美式雜扒餐🥩是金鳳的招牌鐵板餐，鐵板熱辣辣上桌，淋上黑椒汁時「滋滋」作響，香氣四溢，令人食慾大開🔥。雜扒餐內包括豬扒、牛扒、香腸、火腿和雞翼，份量十足。豬扒煎得香口，肉質嫩滑；牛扒熟度剛好外焦內嫩；香腸和火腿鹹香惹味；雞翼沾滿黑椒汁格外入味。配菜薯條酥脆，惟蔬菜略少唔夠喉🤭🤭
套餐仲會包餐包同餐湯👍🏻餐包烘熱後上枱仲係微暖，餐湯方面就揀咗經典港式羅宋湯。羅宋湯酸甜適中，雜菜豐富足料，帶微辣後。
金鳳仲有好多款特色港式飲品可以升級加配，今次就揀咗鹹檸檬可樂，鹹檸檬🍋鹹鹹酸酸嘅味道係解膩佳品，配埋可樂爽度爆哂燈🆙
