海安咖啡室 (Closed)

各位食客, 我大食庶民又出動啦, 今次誠意邀請奇哥一同懷舊, 大家有所不知, 奇哥對港式茶餐廳有一種講不出情義結, 佢自從開胃以來就唔食過茶餐廳唔安樂, 小弟一CALL 即到, 就去海安食個早餐先. 奇哥仲特登GEL個頭, 話要食個菠蘿油; 加個鮮牛米, 最勁抽整杯紅豆冰, 早餐食紅豆冰, 奇哥冇改錯名. 佢對紅豆讚不絕口, 此冰只宜天上有, 我話係咪咁硬銷呀? 原來佢話紅豆口感唔硬又唔林, 啱啱好, 又唔過甜, 奶同冰水比例簡直係黃金心比率: 3/7比, 有冇咁仔細呀奇哥? 同埋冰粒係碎冰唔係求祈大大粒隊落去算數, 又唔怪得奇哥對呢間老牌餐廳有好評.講番小弟, 叫左個雞湯通粉, 雞湯雖然係礶頭湯, 但係唔會好似其他餐廳咁溝到淡晒, 小弟當然一滴都冇揌; 個菠蘿油鬆脆, 塊皮好掂, 難得有heart有誠意, 小弟好滿足, 坐係全紅色台椅環境度品嚐, 一大樂事, 隔離台有兩位阿伯係度高談政治局勢, 呢d就係茶餐廳文化啦!