喜滿樓菜館

Open Now

Now Closed

去土瓜灣喜滿樓試咗幾味，整體都滿意。芝麻雞即叫即炸，熱辣辣上枱！層皮脆到好似食薯片，啲芝麻多到瀉，香口到呢...送啤酒一流呀。梅子鴨係阿媽至愛，鴨肉燜得夠冧，啲梅子醬酸咪咪又帶少少甜，完全冇鴨臊味，最正係墊底嘅芋頭。懷舊菜古法焗魚腸，魚腸洗得超乾淨，冇腥味㗎，焗出嚟好似燉蛋咁滑，入面仲有脆脆哋嘅油條粒，可以加啲胡椒粉食。新菜都唔輸蝕，冬瓜蒸肉餅夏天食啱晒，冬瓜片又厚又清甜，中間嘅手剁肉餅仲有咬口，肉汁滲落冬瓜度。千絲蝦球賣相贏晒，大大粒蝦球俾金絲雀巢咁嘅脆絲包住，外脆內彈牙，點少少沙律醬，香口唔油膩。