Video
Read full review
2018-10-04
5993 views
呢期特別多懷舊主題嘅餐廳，因為一大班人，所以我哋揀咗園林閣，佢而家做緊買一送一優惠，價錢屬於中間，不妨一試。入到大堂，見佢哋有啲懷舊佈置，感覺幾得意。上到佢哋一樓餐廳，原來佢哋同一間懷舊士多合作，有個影相位。餐廳佈置有好多懷舊檔口 ，員工仲著埋冰室夥記嘅衫，非常投入。終於講到食物，今次食自助餐嘅目的唔再係生蠔，第一時間走去佢哋嘅牛雜滷味檔睇睇，因為滷水街頭小食而家已經好少。見到佢哋個檔口啲邪惡食物 (魷魚，生腸，墨魚)，全部都堆到滿滿，對眼即刻發曬光。試咗入口，真係要講句靠得住。啲鹵水食物夠入味，夠彈牙。跟住到牛什檔，有牛膀，牛肚，牛腸。全部都煲得好諗，好入味，什麼膽固醇 ... 全部都唔記得曬。 跟住佢試佢個陳皮蟹粥，廚師好好問我要喺邊一個部分，即叫即煮，呢到比較多人等。粥底好綿，仲有陣好香嘅果皮味。跟住到燒魷魚，燒時好香，以前企喺戲院門口等佢燒好魷魚嘅感覺返曬嚟。懷舊熱食都唔少有，值得一提佢個檸檬蒸烏頭肉質都幾嫩，仲有個炒蜆，啖啖肉冇沙，好快成鑊就畀人清曬好在師傅好快又攞另外一盤出嚟 其他好似蟹腳，生蠔，魚生都唔缺。 不過今晚目標唔係呢啲。甜品梗係要講佢個砵仔糕，我食嘅時候已經淨係
入到大堂，見佢哋有啲懷舊佈置，感覺幾得意。上到佢哋一樓餐廳，原來佢哋同一間懷舊士多合作，有個影相位。餐廳佈置有好多懷舊檔口 ，員工仲著埋冰室夥記嘅衫，非常投入。終於講到食物，今次食自助餐嘅目的唔再係生蠔，第一時間走去佢哋嘅牛雜滷味檔睇睇，因為滷水街頭小食而家已經好少。見到佢哋個檔口啲邪惡食物 (魷魚，生腸，墨魚)，全部都堆到滿滿，對眼即刻發曬光。試咗入口，真係要講句靠得住。啲鹵水食物夠入味，夠彈牙。
跟住到牛什檔，有牛膀，牛肚，牛腸。全部都煲得好諗，好入味，什麼膽固醇 ... 全部都唔記得曬。
跟住佢試佢個陳皮蟹粥，廚師好好問我要喺邊一個部分，即叫即煮，呢到比較多人等。粥底好綿，仲有陣好香嘅果皮味。
跟住到燒魷魚，燒時好香，以前企喺戲院門口等佢燒好魷魚嘅感覺返曬嚟。
懷舊熱食都唔少有，值得一提佢個檸檬蒸烏頭肉質都幾嫩，仲有個炒蜆，啖啖肉冇沙，好快成鑊就畀人清曬好在師傅好快又攞另外一盤出嚟
其他好似蟹腳，生蠔，魚生都唔缺。 不過今晚目標唔係呢啲。
甜品梗係要講佢個砵仔糕，我食嘅時候已經淨係得返白色，椰汁味好濃，啲豆亦都煲得好林，細細粒，好易食。佢哋仲有龍鬚糖，但係當我開始食甜品嘅時候已經畀人攞曬，個賣相細細粒，好可愛。
總結嚟講，年紀大好，耐都冇掃街。呢到啲懷舊食物真係可以令我好放心咁大啖大啖食，成班人又想當年一番，所以覺得特別好味，今晚真係回曬本。
Other Info. :
泊車, 懷舊禮盒優惠
(The above review is the personal opinion of a user which does not represent OpenRice's point of view.)
Post
