叁不館

Open Now

Now Closed

每週一晚同呀媽去食飯，今星期同佢去左打邊爐。位於天后既叄不館，裝修懷舊得黎幾盞鬼。連播啲歌都係舊歌，聽住劉德華首獨自去偷歡一路打邊爐，我真係笑左😂當晚枱枱坐滿人，侍應都忙不停。雖然未必可以秒serve到你，但態度依然有禮。醬油費 $18/位開胃小食 $20/碟 花生、手拍青瓜今晚卜卜蜆鍋 $198呢個鍋除左蜆之外有超多芽菜，一上枱侍應會建議你先飲左個湯之後先食蜆。個湯係鮮甜既，啲蜆唔算大粒，但全部無沙。頂級安格斯牛頸脊 $268例牌黎講都幾大碟，牛肉呈新鮮紅色，油花分佈平均，食落有咬口重牛味。手打五寶丸 $98豬肉丸、鯪魚丸、牛丸、墨魚丸、蝦丸5款丸都好彈牙，但較特別既係鯪魚丸有陳皮味，牛丸就多汁。脆鯇片 $75呢個係嗌俾呀媽食既因為佢鍾意，脆鯇片肉質結實，清爽脆口。皇帝菜 $45而家打親邊爐嗌菜食都會嗌皇帝菜。佢含有豐富維生素及礦物質，同埋我鍾意佢個特別菜青味。竹蔗矛根海底椰 $48清甜無渣，好飲。