金鳳大餐廳

Open Now

Now Closed

今日屯門Donki掃貨，買完野去食晚飯，樓下就有呢間扒房，好多人排隊喎。好彩拿票都唔算等得太耐，大概15分鐘就入到去啦。鉄板有黑椒或蒜茸汁兩種，仲可以加2元加蒜。職員會温馨提示你要用餐巾遮擋。港式扒房，淋汁既渣一聲，個種香氣同氣勢就係兒時回憶，令人懷念呢！餐包和暖同軟軟的，唔錯！餐湯揀了紅湯，味道正常！荷蘭雜扒餐（黑椒汁）有兩塊牛扒，一隻雞翼，一塊厚切大豬扒，火腿，香腸，當然仲有我最愛既波浪薯條，黑椒汁又加埋肉汁浸過既薯條特別好味，黑椒香辣，豬扒juicy, 牛扒有牛味，肉質味道都唔錯。好大份😘食肉獸會 好開心😃帶子牛柳（蒜蓉汁)叫左七成熟,點知見到似3成熟。有鉄板加熱，所以生d，可以自己再用鉄鈑再調較生熟，不無道理。牛柳好淋，肉味都好好，份量都係唔細既見隔離枱四個人個個都叫牛柳餐，都知係唔錯既啦！檸茶少冰少甜係堅少甜架，唔錯！座位係比較窄嘅，香港吋金尺土，無計啦！裝修同坐位都係算舒服既。呢個價錢食到這個質素既扒，我覺得係物有所值既。