金鳳大餐廳

Open Now

Now Closed

好耐冇鋸扒，今次一於嚟屯門食呢間傳統扒房。平日夜晚黎到都好多人排隊，非常受歡迎。餐廳都係採用返傳統扒房嘅裝修，座位都算舒適，晚餐大部分都包牛油餐包，餐湯同飲品，餐湯可以選擇羅宋湯或忌廉湯，飲品凍飲都唔使另外加錢👍🏼招牌牛柳餐上到枱店員會另外過嚟淋醬汁，好細心咁叫我哋用紙巾擋一擋，叫咗5成熟，有2塊牛柳，厚度適中，底下係薯條同甘筍，牛柳肉質十分淋嫩，一啲筋位都冇貴族牛扒餐(美國牛肩肉)一樣係5成熟，另外加咗蒜蓉，一大塊熟度剛好，都算厚，底下係薯格同甘筍，肉質淋嫩帶少少咬口，肉味比較重，帶少少筋位

金鳳餐廳應該好多人都識，主打懷舊鐵板扒餐，俗稱豉油西餐，老友話想試好耐，今日就一於黎食個晚餐，順帶一提幾時經過都好多人排隊，今日我地一行3人6點黎到都等左20分鐘，期間都開始多人係門口攞飛排隊，睇黎都有唔少支持者。入去坐底，餐廳面積唔算好大，坐30人左右，冷氣黎講開等得好大，可能因為個個食鐵板餐既關係開大d，睇下餐牌都不外乎鐵板餐同焗飯。餐湯餐包大部分餐廳都會跟餐湯餐包，餐包會送上鮮牛油，包就微暖，食落都還好，湯我點羅宋湯，都算幾濃味。沙律特選晚餐會跟沙律同甜品，沙律用胡麻醬，另外有2條蟹味棒。貴族牛扒餐我點左呢個貴族牛扒餐，係用美國牛臂肉，order5成熟，但切開都係約3成左右，比較生，勝在肉既質地算唔錯，無落太多鬆肉粉，食到牛肉既質感，食豉油西餐最大既儀式感當然就係侍應落汁喳喳聲果下啦。另外加18蚊有茄汁意粉，意粉質地唔錯幾爽口，汁底都調得幾好，份量都唔少，建議加。整體黎講叫還可以，不過食懷舊鐵板餐主要都係食情懷，而家一個餐都唔平人均都約200蚊，但份量係足一定飽。

我撳四個人嘅飛，剛好叫到我嘅Number，先生剛好去了洗手間告訴職員正在下來，我和兩個小朋友拿着非職員的態度非常惡劣，表示一定要人齊才可以入座。四個人有三個也不能進，態度非常差全港不是只有你們一間餐廳你們不喜歡做生意可以快啲執笠

下晝2點幾去到客都唔係多，有4人吉枱但都要2人客等到有2人枱先比入。一入去職員面口黑過包公，落單問完要咩汁上菜又問要咩汁，食鐵板餐又唔醒水落完單就比大餐巾，到個鐵板上咗枱問要咩汁佢仲好意思叫我用餐巾檔，心諗你啲員工都無比！食食下有2個阿叔一入黎又係因為職工態度未落單就走人👍🏻對客就黑口黑面，自己幾個圍威喂就笑到四萬咁口，係講緊個金毛肥哥哥(黑衫) 同 年青女樓面(黑衫)收碟收餐具又一野炸落去個盤到，嘈到以為去左大排檔。埋單接近3張紅衫魚，咁就服務質素真係趕客級別。所以香港既飲食業淪陷唔係無原因。去得屯門不如坐多10蚊城巴同30蚊的士上深圳做大爺！價錢黎講咁太子店既90蚊牛柳食到今日既140蚊，間唔中食下唔係問題，但咁既服務就不了。附上食品照1張，廢事比人話無幫趁唱衰食店

今日同朋友嚟咗屯門呢一間金鳳食飯，細細個屋企人就帶我去呢啲傳統嘅扒房食，每一次嚟到都覺得充滿回憶，仲好記得鐵板熱辣辣，每一次去到都會好開心！今日就決定去尋找一下回憶！✔️羅宋湯，餐廳羅宋湯以甜菜做主料，再加入馬鈴薯，紅蘿蔔、菠菜絲同埋牛肉塊、佢既味道酸中帶甜同鮮滑爽口，而且由於有好多唔同嘅蔬菜，所以口感上非常豐富，而且味道非常濃郁，非常好食！食得出細個嘅味道！！！再加埋佢熱辣辣嘅餐包，點上本身嘅牛油，作為前菜，暖笠笠非常好！✔️美國頂級德州西冷，西冷係牛既腰脊部分，西冷肉質比較有彈性，而且呢一個部位嘅肉味最濃，可以試到牛扒本身嘅原味，亦都係吸引到好多人鍾意食西冷嘅嘅原因！西冷嘅份量好大塊，加埋餐廳嘅蒜蓉黑椒汁，炸一聲！西冷同黑椒汁嘅味道非常夾，薯菜方便嘅份量都唔少，索入黑椒汁，辣辣地幾好食，牛扒嘅質素都幾高，唔會有好韌嘅情況，一分錢一分貨！✔️荷蘭豬扒餐，豬扒嘅肉質都非常鮮嫩，我哋同一樣都係揀咗黑椒汁，味道上都係幾夾嘅，豬扒味道不但香甜，而且肉質鬆軟，而且非常厚身！啱晒鍾意食肉嘅朋友！咬落去亦都juicy, 餐廳係控制火候，方便都做得幾好！最後飲埋凍檸茶同埋凍奶茶，非常滿足，餐廳員工整體上非

今日放咗工好想食鋸扒，然後響屯門附近望望有冇西餐廳，竟然見到呢一間餐廳好多人排隊，仲要係星期一晚上，證明呢一間餐廳應該好受歡迎，有質素有保證，所以就同朋友去試吓，估唔到識咗真係覺得好完美，性價比高，食物質素又好，服務態度又好，真係要介紹俾朋友食啊，而且呢度嘅餐包入口非常鬆軟，加埋呢個牛油，真係一流呀，然後呢度嘅餐湯嘅羅宋湯，忌廉湯，都係非常好飲呀，我屋企人叫咗個焗豬扒飯，個焗豬扒飯嘅豬扒非常之好食，非常好，肉質鮮嫩，真係好抵食呀，而且我哋仲叫咗個經典港式鐵板餐，帶子牛扒鐵板，七成熟，落單2分鐘，真係好快上菜呀，而且好友香港特色嘅風味，個肉質非常鮮嫩，好好食，仲有我哋叫咗個大蝦牛扒，傳統嘅牛仔形狀鐵板，加埋個蒜蓉醬汁，真係一流呀，而且嗰個服務質素都非常好呀

員工態度不知所謂！講嘢陰聲細氣，問可唔可以大聲啲就即刻唔耐煩我叫三個餐，都未聽完就收走餐牌走咗去完全唔知點解會請埋啲咁嘅人！極度失望！差！希望嗰位員工自己檢討下，唔投訴已經好比面！

終於都嚟到成日都排晒隊嘅金鳳大餐廳，嚟到屯門分店，門口已經好有懷舊嘅風味。係經典港式鐵板餐嘅味道丫。我哋叫咗兩個餐，帶子牛柳鐵板七成熟，另一個係西班牛扒🥩。落咗單2分鐘咋，已經嚟咗餐廳餐包同餐飲。一貫香港嘅特色就係，快丫。首先講一下個餐包配羅宋湯，暖笠笠嘅餐包，加上一Pat嘅牛油🧈，牛油因為餐包嘅熱力開始慢慢地溶化。呢個時候將佢點羅宋湯嚟飲，簡直係一流！ 話咁快，湯都未飲完。牛扒已經到了😂嚟到最精彩的部份，蒜蓉汁淋上牛扒上面，喺牛扒嘅下面就係熱辣辣嘅鐵板。蒜蓉汁撞上熱辣辣嘅鐵板時候。睇住啲煙升上嚟嘅感覺，即刻童年回憶返晒嚟。仲記得細個嘅時候逢親生日屋企人就會帶我哋去食港式嘅鐵板餐。而家大個咗去西餐廳食牛扒餐都冇咗啲一種鐵板嘅氣氛了。港式鐵板餐最經典嘅就係，大大塊嘅牛扒，配上薯條，瓜菜。當然牛扒唔可以同高級餐廳嘅牛扒比，但係佢勝在夠大件夠抵食丫嘛。另外今次佢嘅帶子真係有驚喜，又大粒又好食。

終於都嚟到成日都排晒隊嘅金鳳大餐廳，嚟到屯門分店，門口已經好有懷舊嘅風味。係經典港式鐵板餐嘅味道丫。我哋叫咗兩個餐，帶子牛柳鐵板七成熟，另一個係西班牛扒🥩。落咗單2分鐘咋，已經嚟咗餐廳餐包同餐飲。一貫香港嘅特色就係，快丫。首先講一下個餐包配羅宋湯，暖笠笠嘅餐包，加上一Pat嘅牛油🧈，牛油因為餐包嘅熱力開始慢慢地溶化。呢個時候將佢點羅宋湯嚟飲，簡直係一流！ 話咁快，湯都未飲完。牛扒已經到了😂嚟到最精彩的部份，蒜蓉汁淋上牛扒上面，喺牛扒嘅下面就係熱辣辣嘅鐵板。蒜蓉汁撞上熱辣辣嘅鐵板時候。睇住啲煙升上嚟嘅感覺，即刻童年回憶返晒嚟。仲記得細個嘅時候逢親生日屋企人就會帶我哋去食港式嘅鐵板餐。而家大個咗去西餐廳食牛扒餐都冇咗啲一種鐵板嘅氣氛了。港式鐵板餐最經典嘅就係，大大塊嘅牛扒，配上薯條，瓜菜。當然牛扒唔可以同高級餐廳嘅牛扒比，但係佢勝在夠大件夠抵食丫嘛。另外今次佢嘅帶子真係有驚喜，又大粒又好食。

港式嘅鐵板餐佢都算幾大份，但係支牛扒餐啲帶子都算幾大同埋夠香，牛扒都不過不失啦，唔會好韌份量成個餐嚟講都算大同埋啲位都算闊落坐得舒服價錢就經濟啦都唔算太貴都可以嚟試吓嘅

今日喺屯門行街購物，順路食個二人晚餐，呢度晚餐最出名係牛扒，所以我就叫咗一份set dinner，主菜係大蝦牛扒，套餐包括餐湯，羅宋湯、牛油餐包、芝麻醬蟹籽沙律；主菜係大蝦牛扒配蒜蓉汁。餐飲揀左凍檸茶，仲有甜品雪糕糯米糍。另外，散叫左焗肉醬意粉及小食拼盤，小食拼盤心包括：吉列炸蝦、炸魚柳、炸薯格格、雞翼4款炸物。晚餐主菜「大蝦牛扒」，傳統嘅牛仔形狀鐵板，燒到好熱咁樣上枱，專人攞個醬汁幫你倒落去，醬汁有蒜蓉汁同埋黑椒汁可以選擇，夥計預先會叫你攞起嗰張好大嘅餐巾，遮住個鐵板，因為個鐵板燒到好熱，一落個汁落去，就會治治聲，啲汁彈到周圍係，為咗保護你件靚靚嘅衫，所以要用餐巾擋一擋，夥計10分貼心。至於主菜嘅味道，牛扒好鮮嫩，內裏仲有肉汁保留，肉質琳琳地，口感非常好。而大蝦燒到啱啱好熟，唔會感到太乾身，食到蝦嘅鮮味，好正。另外值得推介嘅係「焗肉醬意粉」，肉醬非常香濃，好足料，好惹味，意粉口感好好，唔會太林身，覺得好正。而小食拼盤，有四款炸物，大大碟，份量十足，好抵食。食完全個晚餐，覺得非常滿足。

金鳳大餐廳分店眾多，素日都很多人慕名而來，需要排隊，今天便來到屯門朝聖一番。今天幸運地只等了20分鐘便被安排入座，座位闊落舒適，店員都很風趣會主動與我們搭話，氣氛輕鬆。叫了兩個牛扒餐，分別配忌廉湯、羅宋湯及餐包，飲品是兩杯凍檸茶。羅宋湯帶微辣，有少許椰菜及甘筍一起煮，椰菜煮得較腍，甘筍不會煮得過爛。忌廉湯質感棉滑，內有蘑菇。餐包方面，每個餐包配有一份牛油，從餐包中間打開，把牛油均勻地塗抹，餐包的熱力溶化了牛油，每一口都散發着牛油的香味，餐包簡直是牛扒餐的標配！🍞貴族牛扒餐 $208朋友點了五成熟的牛扒，店員姨姨說廚師推介用碟上，我想應該也不影響牛扒的美味！伴碟方面有蕃茄，和沙律菜，口感爽脆美味，此餐亦配有薯格，無論吃薯格還是薯條，每張桌子上面都放有蕃茄醬，方便客人。切開後的牛扒粉嫩，每口都充滿肉汁。帶子牛柳餐 $173牛柳上面，放有兩顆帶子，因為我加了蒜蓉($2)，所以蒜蓉山掩蓋了兩顆帶子，帶子即使沾滿黑椒汁和蒜蓉但鮮味依然。牛柳方面我點了五成熟，每一口都充滿了肉汁，不會過於韌，或是難咬開。黑椒蜜糖雞中翼 $58一份有六隻，雞翼甜甜的真的很上癮！入口香脆，黑椒惹味，感覺即使是小孩子也會

香港人嘅集體回憶👉🏻鐵板餐!!! 黑漆漆公牛造型鐵板上, 一大塊牛扒, 下層墊住波浪紋薯條, 侍應拎著一大壼醬汁上前, 叫你揚起大餐巾, 佢將醬汁淋係鐵板, 醬汁四濺+滋滋聲響+煙霧瀰漫🔥諗起都想食💗..講到鐵板牛扒餐廳, 不能不提金鳳大餐廳, 1969年於太子開第一間店, 後來分店開到尖沙咀山林道等各區, 間間分店都有捧場客, 早前更殺入屯門, 分店位於屯門巿廣場Donki樓下😋🍽️..『帶子牛扒餐』HK$173牛扒好厚肉! 煎得啱啱好🫶🏻帶子好重海水味🍴又大大粒😍..『香煎雞扒餐』HK$116雞扒我本身唔大期望, 因為好容易就會好重雪味, 點知食落一啲雪味都無! 仲煎到香脆香脆咁😝..下次可以考慮下加錢要飯/意粉😉..°°°°°°°°°°°°°°°°°°°°°°°°°°°°°°金鳳大餐廳 @goldenphoenixhk📍 屯門屯順街1號屯門市廣場1期地下G076-G080號舖#MrsLong #hk #hkmami #hkbloggermama #Longs #influencer #hkmom #mamablogger #香港美食 #餐廳推介 #hkfoodie #親子好去處 #

今日到訪位於屯門市廣場的老字號扒房「金鳳大餐廳」，久聞其名，今天終於可以朝聖到；紅磚牆的大招牌非常吸睛==========🔹野菌牛柳餐 $158配牛油餐包、餐湯及餐飲牛柳點選7成熟、蒜蓉汁；餐湯點選羅宋湯，餐飲凍奶茶毋須額外收費塗上牛油的餐包特別滋味；餐湯羅宋湯集甜鹹辣於一身，蔬菜份量充足牛柳上檯時由店員將醬汁淋到扒上，發出「渣渣」聲風味十足牛柳有一定厚度，肉質軟腍帶有不俗的牛香，肉汁豐富；配菜有波浪紋薯條、翠玉失及胡蘿蔔，薯條薯香突出又夠粉糯==========🔹美式什扒餐 130配牛油餐包、餐湯及餐飲什扒包括豬扒、牛扒、雞翼，香腸及火腿，點選黑椒汁；餐飲點選熱檸水經煎香的豬扒巨大毫不乾身，肉質緊實；牛扒厚實細緻，質素不錯；雞翼嫩滑，配合輕辣醒胃的黑椒汁夠美味

好耐無去金鳳，差唔多9點去到都要攞飛，以為依家唔會太差。本身去都唔求會好食，但諗住間唔中試下無妨，但真係又驚又喜，去一次中一次伏，我發誓一世人唔會再去，未埋單就嬲到要比劣評。塊T 骨，骨大過肉，無味之餘，外邊煎到香口膠咁，裡邊就生勾勾。收10點，9點半唔夠就攞張單埋嚟迫你出去埋單，唔即刻出去埋就企喺個客後邊啤實個客，趕客走，係咁急一早截單唔好比人入嘛埋單三百幾，出邊好多選擇，食花園、或者茶記小台一定好過佢，仲好意思收加一