黎都見到間舖好細仲驚要等位 點知侍應帶咗我哋去轉彎位另外一間鋪頭 睇個招牌係食桂林米線 問過侍應話午市嗰陣時做米線 夜市做返打冷檔
環境尚算乾淨 光猛 即刻叫咗個獅蚶 原來生醃 螄蚶好鮮甜肥美啲肉脹卜卜 用咗蒜頭辣椒豉油做醃料 估唔到重鮮甜過白烚煮既方法
鹵水鵝片 鹵水汁醃到好入味但唔會鹹 肉好嫩好冧塊皮有一層仔脂肪痴住好香鵝酥味
韭菜豬紅 汁料好濃 豬紅實在兼滑 韮菜索曬個汁 好惹味
潮州生鹹菜 好爽口 咸度適中 配個潮州白粥無得頂
上湯蒜子浸蕃薯葉 原粒炸過蒜頭好香口 蕃薯葉夠嫩 有點似老媽滾湯 好有住家菜的感覺
