良記餐廳(老鳳冰室) (Closed)

平時好少黎深水步呢頭，今日特登約朋友黎呢度係因為想黎一間已經久仰大名既茶餐廳，老鳳冰室。一黎到既時候，係門口見到餐廳其貌不揚，但竟然門口排住長長既人龍。我同朋友都要等左成十分中先有得入去。一入到去，位置雖然有點逼，但一陣老香港情懷就散發了出黎。除左因爲呢度d裝修好有老香港味道，食物都係加入左呢d原素，令到呢度座無虛席。牆身仲貼左好多古舊既明星海報，電影海報，同埋宣傳海報等等。如果帶爸爸媽媽黎呢度，都可以比佢地回憶一返舊既時光。我地叫左幾個特色同埋比較地道既野食，分別係雞翼，口水雞飯，同埋海鮮焗飯。呢度既食物質素非常高，除左賣相吸引，份量都十分足。有別於去連鎖快餐店，食物都係細細碟，所以呢度兩個人食，都已經好夠飽。如下次要再試多d不同既食物 ，可以叫多d朋友一齊黎。