雪山冰廳

Open Now

Now Closed

今日去左深水埗搵好野食，醒起之前朋友有介紹過「雪山冰廳」於是就去試一試啦🤤！呢間冰廳原來已經有60年歷史架啦😮！近年重新裝修過，所以環境新淨、光猛，但仍然保留左懷舊冰室必定有嘅卡位設計。星期日嘅早餐時間會推遲到下午2點，真係好貼心，岩曬我呢d訓到晏一晏但又想食早餐嘅懶人😂。金牌早餐（五香肉丁米、牛乳炒蛋配鮮奶多士）五香肉丁其實都係罐頭貨色，味道就唔太大驚喜。但牛乳炒蛋同鮮奶多士真係好食，多士鬆軟、有好香嘅牛奶味；炒蛋亦好滑，同樣都係有好香嘅牛奶味，好正😋聞落有好香嘅麻香，但食落其實唔會好搶好辣，雞肉亦都係好嫩滑，但份量略為細碗。茶味、咖啡味香濃，標榜用左黑白淡奶，所以飲落的而且確非常滑口，可惜所做樽仔飲品都係預先沖調好，所以係冇得揀甜度，點甜左小小，但整體味道唔錯！如果想試一試正式嘅懷舊茶餐廳味道，但又想坐得舒服的話，雪山冰廳係一個唔錯嘅選擇。