餐廳入面有好多香港舊式茶餐廳既設計，仲狂播廣東歌添！應該能夠勾起大家對傳統茶記既回憶。
餐廳既主打一定係以鮑汁花膠為主，再配上豬手、冬菇同豆卜既「女神麵」。湯底好濃郁，我揀既油麵質爽口，一定要試，同埋碗麵既份量可以夠兩個人食，我自己一個都食唔晒。花膠好厚身，而且好爽口。而豬手冬菇就好林，而且好入味。
女神麵套餐另外可以加配懷舊小食一份，我地最後揀左蝦多士，多士脆身得黎又有蝦肉既彈牙。
講到食車仔麵，可能有D人會鍾意食牛腩，所以我地都另外叫左一客永年辣汁牛腩試下。個辣汁好有風味，辣得黎又唔會搶晒腩汁本身既味道，個配搭岩岩好，我同朋友本身唔食辣既都覺得唔錯。
至於朋友就叫左一份鐵板什扒餐。話明係什扒，緊係有晒雞扒、煙肉、豬扒同腸。每次食什扒最期待就係淋汁個下既炸炸聲！ 啲肉好大份，而且係本身餣過，唔會食咩肉都同一樣味。
飲品就叫左樽仔黑牛同紅豆冰，都係永年推介既飲品，值得一試。
香港唔同冰室各有特色，我自己就幾鍾意好似永年依種現代化D既冰室，舒適既環境又有港式餐廳既風味。
