明太子蟹肉蟹籽麻花意粉 $118
恕我大鄉里出城，麻花意粉真係第一次試，口感紮實少少，食落有啲似薄食薯團，蟹肉同蟹籽嘅份量都相當多，略嫌明太子味少咗啲，不過整體嚟講都幾好食！
慢煮雞胸椰菜花飯 $88
最近食得太多油膩嘢啦，諗住健康少少食返個雞胸椰菜花飯，雞胸好嫩滑，一啲都唔嚡，椰菜花飯配咗蛋、蔥同洋蔥一齊炒，食落都好香，可以抄下個recipe試吓自己整 哈哈
跟咗杯大和堂鮮奶咖啡，杯咖啡反而覺得幾特別，可能因為佢落咗蜜糖，而個base係用Earl Grey，可以話係我最近飲過最好飲嘅咖啡！
值得一齊嘅係呢度唔需要加一，適合附近打工一族過嚟食lunch！
