上海弄堂菜肉餛飩 (綿發街) (Closed)

平曰都好少去跑馬地，咁岩有朋友喺跑馬地學車，話約我喺附近食飯，我地就喺附近睇下有咩食。經過綿發街，見到間叫上海弄堂菜肉餛飩既鋪頭，睇落細細間裝修又唔錯，就入去試試。既然間舖有菜肉餛飩幾個字，當然要試下，就叫左個一人餐，有排骨麵，菜肉餛飩四隻，再加個上海菜必食既小籠包，同埋我好鍾意食既醉雞。(醉雞)醉雞先上，先飲一啖醉雞汁，果然無令我地失望，個汁好濃，好香酒味，值得一試（除非你唔飲得酒）。(上菜肉餛飩)(排骨麵)之後上菜肉餛飩同排骨麵，我鍾意個餛飩，食得出佢整得有heart, 菜同肉好新鮮，唔係一般預先包裝既餛飩。我朋友就鍾意炸排骨（其實係豬排），薄薄地好香脆，唔會太油。(小籠包)最後上埋個小籠包，肉汁夠多，不過我都係比較鍾意薄皮既小籠包。(豆沙鍋餅)食完都飽飽地，但都叫咗個豆沙鍋餅兩份分，甜甜地炸落卜卜脆都幾好食，不過我地嫌油咗少少。餐飯食得幾開心，一來環境唔錯，靜靜地，有小店既感覺，二來食物質素唔錯。同朋友不約而同話有機會會再來！