上海榮華川菜館

Open Now

Now Closed

朋友話我知觀塘有間懷舊上海菜好食，我就捉住個fd帶我去食，去到門口就見到舊式裝修，入到坐仲係小時跟老爸去飲茶嘅感覺，我仲係度眼碌碌睇緊牆身嘅擺置同招牌菜時，就被我發現每張卡位都有張黃色紙仔，上面係叫人唔好急住落單，等佢哋放底碗倒好茶之後再慢慢落單，我就諗起自己樣樣事應放慢腳步點。好啦要食我最想食嘅上海菜啦，先來個豬扒炒粗麵，菜肉雲吞，春卷同豆沙窩餅，一上春卷除咗熱辣辣脆卜卜外仲係小店自己包嘅唔係叫貨嘅之後就係個菜肉雲吞，第一啖咬落去就有微微酒香再加菜嘅甜味連個雲吞皮都係帶煙煙韌韌個粗炒味道係我最期待個種舊味道食完一碗又一碗，最後一定要食個一豆沙窩餅才叫完美，果然無令我失望，皮夠脆又有蛋香，豆沙又足料，豆沙入口非常滑口又唔太甜。