串Grill 自助燒烤專門店 (譽發廣場) (Closed)

好耐之前已經bookmark 咗，最近約埋朋友放鬆下。 平時師傅燒嘅就食得多，好少試下自己燒，串好哂嘅串燒放喺爐上面， 對準一格格放就會自動轉，超方便。 為咗喺有限嘅2 小時，燒得最多，燒左容易熟嘅牛肉同丸腸類先。🥩牛肉類有M6和牛、紐西蘭西冷、牛舌同牛肋腩，推介M6同牛舌，肉質軟腍，火喉控制好重要，燒耐咗就會過硬。 🍡丸類 腸類五花八門任我哋揀，芝士腸、廚師腸、台灣腸都好適合燒烤，脆卜卜，有肉汁。有趣啲仲試下燒魚蛋同燒賣。海鮮類估唔到有多春魚，鮮甜入味，瘋狂燒魚。仲有蜆肉、鯖魚自選。 🍗雞肉類同豬肉類都比較大眾化，有豬肉眼、豬肩胛、雞軟骨同雞卷肉，特別在試下豬大腸、雞皮同雞腎，清潔得乾淨。 而豬五花脆口， 油脂大爆發。 🍍甜食棉花糖，雞蛋仔同菠蘿都唔能夠錯過，棉花糖入口即溶。雞蛋仔一粒粒咁串埋幾得意，望落似迷你豆沙包，食咗咁多肉後，菠蘿中和膩感，清甜開胃。