Video
Read full review
2022-09-14
18 views
同朋友見到呢間好似幾得意咁就一於試吓！佢係放題嘅形式，我哋就係閒日6點入座嘅，一共可以食兩個鐘，人均$248加一😋舖頭嘅座位好闊落，全部都係卡位嚟嘅，坐得幾舒服。燒爐嘅抽風都幾好，完全唔會有油煙好大嘅感覺，唔使驚食完之後成身都係味！店員嘅服務態度好好，一坐低佢就開始介紹點樣用佢哋嘅燒爐同埋介紹佢哋嘅調味料。佢嘅燒爐真係好適合懶人，只要擺個串燒上去，佢就會自己轉，等到佢熟就可以拎落嚟食㗎喇。調味料都好豐富，有椒鹽粉、孜然粉、特製辣粉、海鹽、泰式魚露同柚子醬，可以根據自己個人喜好加🤣 我幾鍾意佢個柚子醬，甜甜地咁意外地同啲肉幾夾，食落冇咁膩。基本上一坐低店員已經會比一盤食物你，之後就嘟QR code落單。串燒嘅選擇都好多，豬牛雞羊都應有盡有😋 肉類嘅話，我同朋友都覺得豬五花最好食，另外雞腎同埋雞軟骨都幾好食。除咗肉類仲有好多丸、腸、海鮮同菜，個人認為甜薯同埋翠玉瓜都係必試嘅🤣 最後點少得甜品，棉花糖、雞蛋仔同菠蘿都非常唔錯，當中我覺得雞蛋仔最特別，好少會喺串燒見到佢，燒完之後，外皮脆卜卜，裏面軟林林咁好好食。飲品亦都有好多選擇，我都係覺得烏龍茶最解膩！埋單之後，每人有一杯仲會有一杯Häag
同朋友見到呢間好似幾得意咁就一於試吓！佢係放題嘅形式，我哋就係閒日6點入座嘅，一共可以食兩個鐘，人均$248加一😋
舖頭嘅座位好闊落，全部都係卡位嚟嘅，坐得幾舒服。燒爐嘅抽風都幾好，完全唔會有油煙好大嘅感覺，唔使驚食完之後成身都係味！
店員嘅服務態度好好，一坐低佢就開始介紹點樣用佢哋嘅燒爐同埋介紹佢哋嘅調味料。佢嘅燒爐真係好適合懶人，只要擺個串燒上去，佢就會自己轉，等到佢熟就可以拎落嚟食㗎喇。
調味料都好豐富，有椒鹽粉、孜然粉、特製辣粉、海鹽、泰式魚露同柚子醬，可以根據自己個人喜好加🤣 我幾鍾意佢個柚子醬，甜甜地咁意外地同啲肉幾夾，食落冇咁膩。
基本上一坐低店員已經會比一盤食物你，之後就嘟QR code落單。
串燒嘅選擇都好多，豬牛雞羊都應有盡有😋 肉類嘅話，我同朋友都覺得豬五花最好食，另外雞腎同埋雞軟骨都幾好食。除咗肉類仲有好多丸、腸、海鮮同菜，個人認為甜薯同埋翠玉瓜都係必試嘅🤣 最後點少得甜品，棉花糖、雞蛋仔同菠蘿都非常唔錯，當中我覺得雞蛋仔最特別，好少會喺串燒見到佢，燒完之後，外皮脆卜卜，裏面軟林林咁好好食。
飲品亦都有好多選擇，我都係覺得烏龍茶最解膩！
埋單之後，每人有一杯仲會有一杯Häagen-Dazs雪糕，最後食埋個雪糕真係好滿足😋
呢間餐廳整體性價比幾高，兩個鐘嘅串燒放題真係食到飽一飽，啲食物質素都好高，無論係咪懶人都值得來試一試！
味道: 8/10
服務: 8/10
環境: 8/10
回頭率: 9/10
總評: 8/10
💰人均消費: $250
Post
