串Grill 自助燒烤專門店 (廣華街) (Closed)

同朋友好耐冇見，想試食啲特別啲既野，上網搵到呢間自助串燒燒烤小店，岩哂懶人既我地即卡卜位黎食。操作極之岩哂懶人，只要將 d 串燒（已經有人串好埋）放上自助爐個凹位，佢就會自動轉下轉下自己燒，夠哂方便menu 仲寫埋每樣野大概要燒幾耐串燒種類都唔會話太少，任食都唔會食極都係果幾款，有齊大部份既肉類同丸，個人推薦牛舌，雞軟骨，魚肉年糕，紫薯，台灣腸，另外比較特別仲有雞蛋仔同棉花糖可以燒添，不過雞蛋仔就唔好抱太大期望啦台面仲有唔同調味可以自己加，除左蜜糖仲有韓式梨汁，沙嗲醬，雞醬等等，真係好似去左 bbq 咁另外飲品選擇都唔少，整體上 cp 值真心高！