串Grill 自助燒烤專門店 (廣華街) (Closed)

朋友介紹呢個懶人包串燒自己不停轉好似好正咁，終於同男朋友黎試下，每枱都有自家一個爐，只要放啲串燒上去佢就會不停轉住燒，確保可以燒得非常均勻，絕對唔洗驚平時bbq燒燶或者一面生一面熟既問題！調味有孜然，椒鹽，海鹽同沙嗲醬等幾種口味，梗有一款啱你！首先最中意食係荷蘭豬五花，五花腩肉肥瘦夾雜，因此咬落去唔會太煙韌反而仲有少少豬油既油膩感好惹味，雞軟骨好大粒好好咬又爽口，芝士腸超級多芝士，最中意燒到佢爆曬出黎熱辣辣咁食，墨魚咀好彈牙細細粒，一啲都唔難嚼，我最中意既係燒賣！燒到外皮香脆，灑上椒鹽粉自制椒鹽燒賣勁好味，燒雞翼都超正，中意佢開埋兩邊骨比客人，一定燒得熟又易食好多！