串Grill 自助燒烤專門店 (譽發廣場) (Closed)

話說想食懶人燒烤好耐，星期六去開信和買嘢，就順便幫襯「串Grill 自助燒烤專門店」食個午餐。餐廳淨係星期六先做午市架咋🕛。任飲任食串燒120分鐘，每位成人午市收費$198，但原來晚市先有哈根大師雪糕送🍦。所謂懶人串燒🔥，係指我哋唯一要做嘅就係將串燒放上燒烤爐嘅齒輪位，等佢喺上面自動轉啊轉。坐低無耐，店員先為我哋端上一盤串燒，乜種類都有啲，等我哋可以有時間慢慢落單📱。呢度上菜好快，所以唔使心急。串燒涵蓋多個種類，款式總共超過40款🍢。我哋食咗嘅肉類包括M6和牛牛柳、紐西蘭牛西冷、美國牛肋腩、牛舌、豬頸肉、多春魚、蜆肉、雞翼、雞軟骨、芝士腸同台灣腸等。另外，我比較鍾意嘅有雞髀菇🍄、翠玉瓜🥒同魚肉年糕等🐟。最後，不得不提嘅係燒棉花糖🍭。自助燒烤爐比起傳統BBQ更容易控制火候，亦唔怕燒燶，棉花糖燒至外脆內軟，食落好得意；但如果燒得太耐，就有機會會跌咗出嚟。餐廳提供多款調味料畀客人DIY🧂，有燒烤醬、辣椒粉、孜然粉同味椒鹽等。環境方面，呢度餐枱同座位闊落，而且冷氣充足❄️，食完走個身都冇一浸味。總括嚟講，終於體驗咗懶人串燒，確係幾方便嘅，咁大家就可以邊食邊傾偈，唔使埋頭苦幹，化身成為串燒師傅啦😜