樂天大喜屋 (Closed)

樂天大喜屋日本料理放題我不算常食，因為，要揾一間各方面都要做得好嘅放題，並不易容。今晚，我就搵到一間，食物質素掂掂地嘅日本放題。樂天大喜屋。食物款式多、齊、都算好味、新鮮。我好鍾意食甜蝦，呢度嘅甜蝦，有頭有尾，D肉唔好梅，有少少鮮味（不要太高要求，佢其實已經中上好）其他刺身種類都多，三文魚肥美，其他魚、油甘、劍魚，我就一向都唔食，但友人不停食，應該不會太差。貝類刺身亦是我最愛，北寄貝、帆立貝、赤貝一全部都在水準！壽司種類不少！重點，飯不會太大舊，小小的，不會使人太飽肚！炸物一定要提，就是炸榴槤，好臭，我不懂欣賞，但懂欣賞的友人，吃得津津有味！飲品齊備，應有盡有，仲要有雪糕，哈根大師呀！正到爆。