串Grill 自助燒烤專門店 (譽發廣場) (Closed)

老公今年book左去呢到同我慶祝生日，因為我成日想食重慶燒。但帶住2個細路，好難出去重慶燒，又熱佢哋又坐唔定。所以，揀咗嚟呢到。今次係第一次嚟，坐得好舒服。超鍾意佢個濕紙巾，Condom咁嘅款佢哋個爐設計真心一流，會自轉，咁就唔會唔均勻啦~所有食物本身都冇預先醃，所以自己可以自行調味。第一次食串住燒嘅蜆，超搞笑!!仲有必食勁encore嘅雞皮，燒到脆卜卜，再灑上味粉，真係不停添食!!食物種類還可以，細分豬、牛雞、海鮮類都有，當然都唔能夠太肉都有蔬菜類。詳細Menu可以睇相出面有飲品櫃，自助嘅，款式都多。一家大細都食得好開心，埋單仲有Haggen Dazs雪糕食。超滿足呀!