Bochord

屋企人生日，今晚揀咗呢度慶祝生日，訂咗七點，四個人，佢安排咗靠近窗邊嘅位置俾我哋，環境成個圖書館咁，好靚，仲望到維港，我哋由日頭食到夜晚，一次過睇晒日景同埋夜景。我哋叫咗個八道菜嘅tasting Menu ，不過同行有人對蝦蟹敏感同埋唔食生肉，我哋預先同餐廳講咗，佢就將Testing Menu嘅某啲菜式轉為其他菜式，非常貼心一開始送上黎嘅麵包都非常好食，好鬆軟，邊邊亦都有脆口嘅口感，兩款牛油都各有特色，雖然普通牛油偏鹹，但係都可以接受。Tasting Menu入邊嘅菜式都好名貴，有海膽，龍蝦刺身，鮑魚，和牛，全部都好豐富好好味，我覺得佢係西日式嘅fusion菜，全部都配搭得好好味，唔會唔夾，有西式嘅調味，亦都有日式風格嘅細膩。好多人都會選擇呢度慶祝生日，佢有人現場演奏唱歌，我哋一晚聽咗八次生日歌咁滯😂不過佢哋唱歌唱得好好聽，我哋成晚都好enjoy。呢餐飯我哋食咗三個幾鐘，全程有音樂，有美食，仲有靚景靚環境，真係一個好好嘅體驗。下次慶祝，我都會首選呢間。