我愛慢煮 (孖沙街) (Closed)

我愛慢煮原來係上環孖沙街開左分店，擇日不如撞日，就去試下啦！.首先一定要叫慢煮安格斯極級西冷 （中）$258.西冷牛扒慢煮過後肉成肉呈粉紅色，肉質又嫩又滑。同就咁煎牛扒既牛肉質感係有分別！慢煮方式肉會林d而且冇咁乾。.然後我地仲叫左兩款小食：.鮮蝦串 $36蝦已經剝埋殻，啖啖肉，用少少似海膽既醬汁係面再燒烤，簡單而好味。.炸蕃薯條 $28香脆蕃薯條，沾埋黑松露沙拉醬，正。.飲品澳洲青檸特飲 $36好好味既青檸蜂蜜特飲呀！呢種味道同普通青檸蜜唔同。.青檸薄荷特飲 $36呢杯就係普通既飲品，薄荷味唔算強烈。