Video
Read full review
2025-07-17
538 views
估唔到喺油麻地一間酒店裡，竟然有間咁Chill嘅森林系餐廳，一入餐廳好似進入咗一座森林咁，仲有唔同動物一齊共食，非常可愛！店主亦不吝嗇地喺店面四周擺滿收藏品，好有心思一坐低就可以飲吓佢哋嘅自家製蝶豆花水，好refreshing！1️⃣牛油果水牛芝士蕃茄波波沙律配柚子黑醋汁 $128 我哋先叫咗一客沙律，呢個牛油果沙律嘅份量好足，原隻牛油果上碟，唔係切片，真係啖啖果肉，非常飽肚，加上比較輕盈嘅水牛芝士同埋甜甜酸酸嘅蕃茄，感覺無咁Heavy，而沙律菜配上濃稠嘅柚子黑醋汁就更加開胃，柚子甜香四溢！2️⃣煙三文魚流心蛋大啡菇 $98 大啡菇賣相亦好吸引，啡菇本身十分Juicy，菇面係煙三文魚茸、流心蛋同濃香芝士烤焗而成嘅Topping，兼具多重滋味，係好特別嘅一款小食！伴碟亦有大量沙律菜，就唔會食到覺得膩3️⃣明太子蟹肉意粉 $178呢款意粉值得一讚，首先蟹肉分量真係唔欺場，超級多！食到最後都仲有好多蟹肉剩，夠曬撈意粉而明太子鮮香之餘，亦有少少辣味，就令成個意粉更加惹味可口，再加埋忌廉醬，令意粉口感更加濃滑香口，份量又夠多，真係好值得推薦！4️⃣竹炭黑芝麻豆腐奶昔 $72最後餐飲方面，我哋叫咗呢款奶昔，都幾特
一入餐廳好似進入咗一座森林咁，仲有唔同動物一齊共食，非常可愛！
店主亦不吝嗇地喺店面四周擺滿收藏品，好有心思
一坐低就可以飲吓佢哋嘅自家製蝶豆花水，好refreshing！
1️⃣牛油果水牛芝士蕃茄波波沙律配柚子黑醋汁 $128
我哋先叫咗一客沙律，呢個牛油果沙律嘅份量好足，
原隻牛油果上碟，唔係切片，真係啖啖果肉，非常飽肚，
加上比較輕盈嘅水牛芝士同埋甜甜酸酸嘅蕃茄，感覺無咁Heavy，
而沙律菜配上濃稠嘅柚子黑醋汁就更加開胃，柚子甜香四溢！
2️⃣煙三文魚流心蛋大啡菇 $98
大啡菇賣相亦好吸引，啡菇本身十分Juicy，
菇面係煙三文魚茸、流心蛋同濃香芝士烤焗而成嘅Topping，
兼具多重滋味，係好特別嘅一款小食！
伴碟亦有大量沙律菜，就唔會食到覺得膩
3️⃣明太子蟹肉意粉 $178
呢款意粉值得一讚，首先蟹肉分量真係唔欺場，超級多！
食到最後都仲有好多蟹肉剩，夠曬撈意粉
而明太子鮮香之餘，亦有少少辣味，就令成個意粉更加惹味可口，
再加埋忌廉醬，令意粉口感更加濃滑香口，份量又夠多，真係好值得推薦！
4️⃣竹炭黑芝麻豆腐奶昔 $72
最後餐飲方面，我哋叫咗呢款奶昔，都幾特別！
黑芝麻香固然係最突出，而豆腐會令到奶昔更順滑，
配有少少嘅竹炭烤香，用來總結呢餐真係適合不過
Post
