稻乙日本料理

Open Now

Now Closed

今次日朋友帶我黎尖沙咀食omakase，自從試過廚師發辦後真係番唔到轉頭因為菜式全由廚師決定，廚師會根據當天食材製作不同料理，好有驚喜，又會試到好多新野餐廳除咗一般方枱，仲有埋包廂。包廂裝修充滿和式風味，裡面鋪咗榻榻米，要除鞋入去，好似真係喺日本咁呀擁有獨立空間用膳，最岩一班朋友邊食飯邊傾計頭盤係真蠔刺身，肥美到成隻手掌咁大，灑上少許蔥花同紅蘿蔔蓉，淋上醬油，味道鮮甜，蠔味好重石頭魚薄切，薄到透光，好考刀功，配上微辣的紅蘿蔔蓉同柚子醬油，一試便知刺身非常新鮮海膽燒花竹蝦，一上枱就聞到燒蝦嘅香味，海膽炙燒過之後融化在花竹蝦之上，食落蝦肉脆口，同時帶有海膽嘅creamy質感，口感豐富。蔥蒜牛肉薄燒，牛肉口感軟熟，好多燒汁，牛肉捲內夾雜炸蒜片同細蔥，令到燒肉更惹味。壽司拼盤有三款，首先係海膽帆立貝壽司，帆立貝塗上醬油燒製，恰到好處，既入味又唔乾身，海膽濃郁嫩滑，食落兩種味道融為一體中間係大大隻赤座蝦壽司，巨型蝦頭裝在碟內，可以想象到原隻蝦係幾咁大。蝦刺身上有些許魚子點綴，一啖擺落口，甜到不得了。最後係白蝦蟹膏壽司，壽司上面堆滿細細條的白蝦，蝦肉嫩滑甜口，蟹膏令原本清淡的白蝦多添一分濃味食完壽