Cafe Mikoo (Metro City Plaza)

最近受疫情影響，香港人都應該過得乏味同埋好攰，出街d舖頭又好早閂，公共場所又好多都封埋，可以去既地方少之有少。自己住既地方吾系將軍澳，不過都算近戈頭，記起自己好耐冇食台灣菜，原來將軍澳新都城二期有間文青台灣菜小店，真系有興趣試試。

一進去已經感到滿滿既文青feel，以木造既環境，就好似一個小蝸居咁，仲有吾少書本在牆身旁邊既木架。現今真系好少可以搵到一d有書卷氣息既食店，多數既食店呢家都吾願花好多心思系環境上。

數十張海天一色既相片盡現眼前，比人既感覺好舒服。

晚市黎講，套餐會比較便宜，70幾至80蚊不等啦，晚市套餐仲有埋原盅燉湯，感覺幾健康，仲要系師傅4個中燉湯，款式日日吾同架。

牛肉款式

1

經典款式

滷肉飯款式

見到呢度都幾多人叫呢款三盛紅燒牛肉麵，自己都試下先。所謂三盛其實系指腱心牛肉、牛腩同埋牛丸，自己不嬲都幾中意食牛肉麵，所以叫呢款，腱心牛肉我諗就系平時我地食牛肉既牛板腱部分，質感較硬。牛腩個樣好似牛展，林林地又吾會肥，好味牛丸同牛腩一樣，牛肉味好明顯。

三盛紅燒牛肉麵

$69

次次去台式小店都一定會叫花枝丸，今次都吾例外，呢度既花枝丸真系不得了，每粒都超大粒比起平時食戈d既價錢爭好遠呀。入面既墨魚好多，成舊墨魚丸都好新鮮，好有口感

椒鹽花枝丸

$42

男朋友話試下呢款台南手工餡餅，即管試試吧。佢外型我覺得都幾特別，成個豆沙鍋餅咁不過食落就一般，餡料有生菜同埋豬肉，豆沙鍋餅既質感林林地，裡面d餡既味道就似菜肉包。

台南手工餡餅

$28

三杯雞定食我就真系好少食，因為冇太多既地方有呢度菜，食落口發覺原來味道吾錯。表面已經睇到好深色既醬油，證明雞肉好入味，聞既時候都覺得好香口，雞肉都嫩滑。另外定食包含燉湯，吾知系是咩湯，但冇乜味精，喺現今既飲食業黎講好難得。

煲仔  ·  塔香三杯雞定食

$73

芝士奶蓋桂花烏龍茶 $23
仙氣火龍果茶 $25

見到呢兩款餐廳都有推介，一於試下先。我戈杯系芝士奶蓋桂花烏龍茶，芝士奶蓋既鹹香味雖然可重，但又幾creamy，甜甜地幾好飲桂花烏龍都有好香既茶味，又吾會好苦。


另外仙氣火龍果茶都好正，火龍果本身就系一樣好健康既水果，近年好多茶飲店都用佢黎做茶底，新鮮美味。