Video
Read full review
2021-03-18
781 views
平日放假有個好處，就係去人氣Cafe都容易搵到位坐。呢日我就去咗Coffeelin西營盤分店食Brunch，12點去到唔算多人，我揀咗近門口位坐，門外嘅自然光灑進店內，溫暖又舒適！呢度嘅咖啡係我嘅重點，除咗平時常見嘅奶啡之外，仲有兩款呢度獨有嘅Cold Brew飲品，一場來到，當然唔可以錯過啦。Morning Call咖啡上擺咗一塊檸檬片，輕輕呷一口，咖啡偏向fruity，入口順喉，慢慢去到喉嚨飲到檸檬嘅清新以及茶嘅清香，後來先知道原來這杯Morning Call就係將香片茶底冷萃處理後，再用Griso單品豆 Zambia黑咖啡沖泡而成！好有層次嘅一杯咖啡，早上飲一杯Morning Call，確係非常醒神！未食Lunch，呢度輕食只有Panini揀，反而甜品選擇就比較多，除咗Gelato之外，亦有多款蛋糕供應。Salami & Porchetta Pesto Panini Panini烘得香脆唔乾，熱騰騰上桌，所以咬落仍然非常軟熟。入面夾住Salami，烤火腿，青醬及拉絲芝士，味道豐富。 Matcha Basque Burnt Cheesecake 巴斯克焦香芝士蛋糕質地軟滑，帶少少流
呢度嘅咖啡係我嘅重點，除咗平時常見嘅奶啡之外，仲有兩款呢度獨有嘅Cold Brew飲品，一場來到，當然唔可以錯過啦。
Morning Call
咖啡上擺咗一塊檸檬片，輕輕呷一口，咖啡偏向fruity，入口順喉，慢慢去到喉嚨飲到檸檬嘅清新以及茶嘅清香，後來先知道原來這杯Morning Call就係將香片茶底冷萃處理後，再用Griso單品豆 Zambia黑咖啡沖泡而成！好有層次嘅一杯咖啡，早上飲一杯Morning Call，確係非常醒神！
未食Lunch，呢度輕食只有Panini揀，反而甜品選擇就比較多，除咗Gelato之外，亦有多款蛋糕供應。
Salami & Porchetta Pesto Panini Panini
烘得香脆唔乾，熱騰騰上桌，所以咬落仍然非常軟熟。入面夾住Salami，烤火腿，青醬及拉絲芝士，味道豐富。
Matcha Basque Burnt Cheesecake
巴斯克焦香芝士蛋糕質地軟滑，帶少少流心，口感creamy，抹茶同芝士味道都好平衡，唯一係邊邊位置就乾咗少少，唔夠濕潤綿密，有改善空間。不過喺Coffeelin點件蛋糕，飲杯咖啡真係好chill！
小店好出名Gelato，可惜我眼闊肚窄，今次到訪就冇試到。小店整體食物質素高，價錢合理，環境又舒適，會有下次！
Post
