Video
Read full review
2023-01-13
99 views
新泰東南亞餐廳🍽️-▫️員工態度較差▫️環境寬闊，可以容納多人▫️裝修有泰國feel🇹🇭-🔹越式蝦米紙卷 $68呢款比較清淡嘅前菜，配搭返酸辣醬都幾清新。但搭配咗幾條生嘅豆芽，就即刻有陣草青味。好味：2/5-🔹Pad Thai $108好正宗嘅味道，搭配青檸加花生碎。👍🏻蛋皮比較厚更加食得出個口感，每條金邊粉都有酸酸甜甜味道。好味：4/5😋-🔹泰式烏頭 $188原本叫青檸蒸烏頭，但係廚房整錯咗，又無謂再等就照試泰式烏頭。一上枱都好香噴噴，有一碗湯可以淋上面。底下會有火座熱，但一開始食上面嘅魚肉就只係暖暖地，唔係太熱。而個底都擺咗好多椰菜，索曬魚香同湯汁🤤條烏頭唔會腥，而且啖啖肉冇咩骨。好味：4/5😋-🔹芒果糯米飯 $68食泰國菜點可以唔叫招牌甜品😂個人覺得黑糯米比較好食，糯米太黏太韌。芒果唔當造有小小酸，但配搭番甜嘅椰漿中和返。好味：3/5-食物整體嚟講都唔錯👍🏻唯獨餐廳員工嘅態度就比較差小小，一邊食都會有一種一定要準時交枱嘅感覺。上菜速度唔算特別快，都等咗差唔多5個字先上菜。大約淨返十五分鐘要交枱嘅時候，員工都會拿拿聲擺低帳單提我地差唔多，而且員工唔多執枱，導致成枱都係嘢。如果員工態度nic
-
▫️員工態度較差
▫️環境寬闊，可以容納多人
▫️裝修有泰國feel🇹🇭
-
🔹越式蝦米紙卷 $68
呢款比較清淡嘅前菜，配搭返酸辣醬都幾清新。但搭配咗幾條生嘅豆芽，就即刻有陣草青味。
好味：2/5
-
🔹Pad Thai $108
好正宗嘅味道，搭配青檸加花生碎。👍🏻蛋皮比較厚更加食得出個口感，每條金邊粉都有酸酸甜甜味道。
好味：4/5😋
-
🔹泰式烏頭 $188
原本叫青檸蒸烏頭，但係廚房整錯咗，又無謂再等就照試泰式烏頭。一上枱都好香噴噴，有一碗湯可以淋上面。底下會有火座熱，但一開始食上面嘅魚肉就只係暖暖地，唔係太熱。而個底都擺咗好多椰菜，索曬魚香同湯汁🤤條烏頭唔會腥，而且啖啖肉冇咩骨。
好味：4/5😋
-
🔹芒果糯米飯 $68
食泰國菜點可以唔叫招牌甜品😂個人覺得黑糯米比較好食，糯米太黏太韌。芒果唔當造有小小酸，但配搭番甜嘅椰漿中和返。
好味：3/5
-
食物整體嚟講都唔錯👍🏻唯獨餐廳員工嘅態度就比較差小小，一邊食都會有一種一定要準時交枱嘅感覺。上菜速度唔算特別快，都等咗差唔多5個字先上菜。大約淨返十五分鐘要交枱嘅時候，員工都會拿拿聲擺低帳單提我地差唔多，而且員工唔多執枱，導致成枱都係嘢。
如果員工態度nice啲，都值得去一試的😬
Post
