Video
Read full review
2021-12-09
254 views
突然好想去食格仔餅，印象中好似有見過麗閣有賣格仔餅，於是就去咗呢一間買。一開頭我話要原味格仔餅$20，然後問佢可唔可以多牛油，佢就話唔落牛油架，我就黑人問號左。好啦，企喺嗰度等佢整幾分鐘，發現佢呢點拿都拿唔起個格仔餅喎，我嗰陣已經覺得好似出事。最後佢用咗兩種器具終於翹咗個餅出嚟，佢遮遮掩掩唔俾我睇㗎，嗱嗱臨落個花生醬煉奶然後俾我，我打開一睇：1. 個格仔餅溶溶爛爛穿晒窿2. 爛咗嗰個位仲要係燶咗3. 由於穿窿啲醬流曬出黎我都下真係忍唔住過去同佢講話：「咁嘅樣點食啊？燶晒穿晒喎？」佢就同我講話個格仔餅板有啲漿黐住咗，冇落油先至會咁㗎。我心諗你都好意思話你冇落油㗎喎，佢隔左幾秒就拿走個格仔餅，然後話：「唉！你俾返錢你啦！」咁我就心諗算啦，於是我咪掉頭走，點知佢大大聲仲講咗一句：「咁奄尖㗎！穿咗個窿咋嘛！」嘩我都下真係好後悔冇影低個個格仔餅做證據！不過係呢個負評區有一個同我一樣嘅格仔餅受害者，佢有影低佢嗰個又燶又爛嘅格仔餅，我個塊仲爛過佢個塊。我覺得，我比得錢，就係要食一夠正正常常嘅格仔餅。你咁嘅質素煮完出嚟然後仲要話我腌尖？我好人好者買個嘢食做咩要咁折墮食你嗰份垃圾？照你咁講你煮到咁樣我仲
一開頭我話要原味格仔餅$20，然後問佢可唔可以多牛油，佢就話唔落牛油架，我就黑人問號左。
好啦，企喺嗰度等佢整幾分鐘，發現佢呢點拿都拿唔起個格仔餅喎，我嗰陣已經覺得好似出事。
最後佢用咗兩種器具終於翹咗個餅出嚟，佢遮遮掩掩唔俾我睇㗎，嗱嗱臨落個花生醬煉奶然後俾我，我打開一睇：
1. 個格仔餅溶溶爛爛穿晒窿
2. 爛咗嗰個位仲要係燶咗
3. 由於穿窿啲醬流曬出黎
我都下真係忍唔住過去同佢講話：「咁嘅樣點食啊？燶晒穿晒喎？」
佢就同我講話個格仔餅板有啲漿黐住咗，冇落油先至會咁㗎。
我心諗你都好意思話你冇落油㗎喎，佢隔左幾秒就拿走個格仔餅，然後話：「唉！你俾返錢你啦！」
咁我就心諗算啦，於是我咪掉頭走，點知佢大大聲仲講咗一句：「咁奄尖㗎！穿咗個窿咋嘛！」
嘩我都下真係好後悔冇影低個個格仔餅做證據！
不過係呢個負評區有一個同我一樣嘅格仔餅受害者，佢有影低佢嗰個又燶又爛嘅格仔餅，我個塊仲爛過佢個塊。
我覺得，我比得錢，就係要食一夠正正常常嘅格仔餅。你咁嘅質素煮完出嚟然後仲要話我腌尖？
我好人好者買個嘢食做咩要咁折墮食你嗰份垃圾？
照你咁講你煮到咁樣我仲要感恩戴德？你係咪你搞笑㗎靚女阿姐？
煮嘢食唔落油，然後同我講話格仔餅唔會落牛油，我真係食咗咁多年格仔餅我都未見過呢個講法。
我想講嗰陣後面仲有幾個人企喺嗰度諗住買嘢食㗎，見住呢件事發生嘅佢哋仲有冇系呢間「滋味館」買嘢食我就唔知道啦，我淨係知道如果你都係以一種咁嘅態度同劣食比客人嘅話，負評只會越來越多，希望你做得生意擺個心落去啦，完。
Post