Video
Read full review
2022-09-07
938 views
尖沙咀新開左間雞煲火鍋專門店，專玩香港復古回憶，一入去就見到傳統中式婚禮一龍一鳳係門口，可以換自己同伴侶嘅姓氏聯婚打卡影相，沖個靚喜😆又玩味十足。而餐廳裝修都相當精緻，似足7,80年代大排檔，燈飾同壁紙都別出心裁，播住經典金曲，帶你去感受80年代既情懷。*椰子雞煲 $198*呢份雞煲除咗雞件大大隻，湯底好香，餐廳落咗好多椰子，我淨係聞到椰子🥥香味已經流晒口水😚，配埋粟米🌽夠鮮甜，鍾意清清哋唔太濃味嘅朋友呢款湯底就岩晒。*陳年花雕醉雞 $78*醉雞嘅酒味唔算濃，不過雞件好滑，建議唔好煮太耐可以更加保持住肉質鮮嫩感覺。*鮮冬菇$38*大大隻菇用鮮甜湯底煮更加香甜。*萵筍$38*新鮮爽口又翠綠，打邊爐食啲蔬菜就啱晒。*海蝦四隻 $98*海蝦算幾新鮮，而且都夠大隻。*蜂巢冰豆腐$48*好有咬口嘅蜂巢豆腐，少少鬆軟唔太硬，吸收曬湯底👍🏻。*日本廣島蠔 $98*蠔好肥美，同樣唔可以煮太耐如果唔係會縮水，咬入口即溶。*自家製竹蔗茅根(勺) $68*用懷舊保溫瓶裝住，夠晒凍，大大jar，都可以飲到六杯。最後餐廳仲好貼心送咗一份棉花糖俾我哋，真係好開心。
*椰子雞煲 $198*
呢份雞煲除咗雞件大大隻，湯底好香，餐廳落咗好多椰子，我淨係聞到椰子🥥香味已經流晒口水😚，配埋粟米🌽夠鮮甜，鍾意清清哋唔太濃味嘅朋友呢款湯底就岩晒。
*陳年花雕醉雞 $78*
醉雞嘅酒味唔算濃，不過雞件好滑，建議唔好煮太耐可以更加保持住肉質鮮嫩感覺。
*鮮冬菇$38*
大大隻菇用鮮甜湯底煮更加香甜。
*萵筍$38*
新鮮爽口又翠綠，打邊爐食啲蔬菜就啱晒。
*海蝦四隻 $98*
海蝦算幾新鮮，而且都夠大隻。
*蜂巢冰豆腐$48*
好有咬口嘅蜂巢豆腐，少少鬆軟唔太硬，吸收曬湯底👍🏻。
*日本廣島蠔 $98*
蠔好肥美，同樣唔可以煮太耐如果唔係會縮水，咬入口即溶。
*自家製竹蔗茅根(勺) $68*
用懷舊保溫瓶裝住，夠晒凍，大大jar，都可以飲到六杯。
最後餐廳仲好貼心送咗一份棉花糖俾我哋，真係好開心。
Post
