Video
Read full review
2018-10-12
82 views
粵菜菜系之一嘅潮州菜，一向都係我M佬嘅所愛，記得以前喺冬菇亭大排檔食住打冷，再同成班兄弟手足嘆住啤酒，吹吓水，真係男人嘅享受。但隨住冬菇亭被式微，我都有好一段時間無食過潮州打冷，直到遇上位於旺角嘅明記潮館，連少食打冷嘅A姐都話得。滷水鵝食潮州打冷又點少得滷水鵝，鵝肉大大件，唔算太肥，連皮食都唔會好罪惡，肉質嫩滑，鵝味到味無騷味，滷水汁入晒味仲有回甘感。底層仲有我好滑嘅鹵水豆腐，大大碟好抵食。滷水雙拼雙拼嘅選擇揀咗生腸同墨魚，份量唔少，滷水汁唔會太咸。而墨魚雖然係薄切，但反而軟腍，索晒個滷水汁，唔錯！而生腸清得乾淨無異味，非常滑溜彈牙！蠔餅同一般嘅蠔餅唔同，新鮮炸到金黃色，成塊都炸到脆卜卜，非常香口。另外蠔仔份量十足，又多又大粒，蠔味鮮甜！石鍋油麥菜上枱支支聲，陣陣蝦醬味，油麥菜熱辣辣，入口好惹味！
滷水鵝
食潮州打冷又點少得滷水鵝，鵝肉大大件，唔算太肥，連皮食都唔會好罪惡，肉質嫩滑，鵝味到味無騷味，滷水汁入晒味仲有回甘感。底層仲有我好滑嘅鹵水豆腐，大大碟好抵食。
滷水雙拼
雙拼嘅選擇揀咗生腸同墨魚，份量唔少，滷水汁唔會太咸。而墨魚雖然係薄切，但反而軟腍，索晒個滷水汁，唔錯！而生腸清得乾淨無異味，非常滑溜彈牙！
蠔餅
同一般嘅蠔餅唔同，新鮮炸到金黃色，成塊都炸到脆卜卜，非常香口。另外蠔仔份量十足，又多又大粒，蠔味鮮甜！
石鍋油麥菜
上枱支支聲，陣陣蝦醬味，油麥菜熱辣辣，入口好惹味！
Post
