第一次 lunch食放題 呢個抵食程度真係意料之外！
今次星期六去極尚大喜屋食午市放題，食足3個鐘（12點-3題），而價錢都只係$208加一，大把選擇，慢慢食😆
一入到去，因為真係超餓，都未上網落order ，就去左common area搵野食😂 一個個area分得好清楚，甜品區、沙律及小食、熟食區、野飲區、雪糕配料及糖果區。中意食甜野嘅我，更係即刻整d雪糕同甜品嚟嘆吓😆😆
有抹茶同埋朱古力味雪糕，仲有好多軟糖可以自己diy!
甜品方面有勁多款，有藍莓芝士杯、朱古力泡芙、豆腐花、
乳酪、芒果大福、芒果慕絲杯、北海道牛乳布甸…. 事關要留肚再食其他，所以我都只係揀咗幾款。北海道牛乳布丁真係好濃牛乳味，仲要好滑！泡芙、冬甩果類就比較甜啱小朋友多啲～～
等我食完甜品，朋友已經上網Order左食物，時間剛剛好。 網站上有勁多款食物，有刺身、壽司、手卷、炸物、天婦羅、串燒、燒物、一品料理、煮物…. 分得好清楚。
我地encore左兩次嘅刺生！ 上盤速度快，而且準確！（呢個好重要，因為食放題最怕要一份但黎左兩份，食唔曬又浪費）每款刺身都可以淺嘗，好鮮甜。我地叫左
北海道帶子、象拔蚌、螺片、八爪魚、花海哲、赤蝦、甜蝦、三文魚、油甘魚、希靈魚、赤貝、螺片… 一次過試到咁多款真係爽！
我地都叫左d壽司，除左大眾款嘅（好精緻，一啖一舊，完全唔怕因為食飯食飽左！），例如黑松露赤蝦、柚子胡椒左口魚邊、鹽燒三文魚腩、蟹籽軍艦、蟹肉蟹膏軍艦、龍蝦沙律軍艦… 我地見menu上有個分類係「創作壽司」，好似好得意🤔 特登叫左幾款試下！ 例如芝士鰻魚玉子燒同芝士蟹籽伴櫻花蝦多士，食落口味道又幾新奇，易入口！
最近天氣凍，叫返個熱食都唔錯。我地叫左雪花牛肉鍋(2人鍋)，D牛又唔會太硬 ，仲有生蛋，大量配料加上甜甜嘅壽喜燒，暖胃一流！
另外，炸物同燒物都好過癮。吉列蠔、鹽燒雞翼（一開二，方便咬）、溫室南瓜天婦羅、牛油燒翠肉瓜（解膩jeng)、天婦羅蝦、黃金焗開邊蝦、蟹棒天婦羅都即叫即燒/炸，熱辣辣好好食！
如果common area嘅甜品唔夠喉，仲可以叫吉列牛乳炸鮮奶同榴蓮炸彈 ！ 如果中意榴連嘅人就記起要上下，入面嘅餡超足、超濃！
見出面有清酒，拿拿臨叫返個風味淋燒魚乾chill 一chill，還掂大把時間，一邊食一邊慢慢吹水～～
其實出面仲有好多款雪條，但真係太飽～～走嘅時候見到，原來而家做緊疫情大優惠！！！ 心郁郁下次又可以黎食！而家下午2點後後第2位半價，人均$200都唔洗🤔🤔🤔仲要星期一至日都可以去！就算冇咗晚市都一樣冇問題👍🏻完全滿足到想食放題嘅心情
