Riso Café (Closed)

有事辦﹐攪到成九點先至開餐﹐歸家途經荷里活﹐入黎搵下咩食。經過Riso﹐都好喎﹐好過去Food Court 啦﹐Food Court 裝修後好唔湯唔水。個人一向偏好意大利飯﹐鐘意佢有味道有o趙口﹐不過Pizza 就唔打算係哩度食喇﹐我諗佢D Pizza未必會o岩我口味。我要在鮮茄老虎蝦Riso + 香蘋夏娃(即蘋果 + 桃)﹐另男友點了黑椒腸Riso + 清青草原(我唔係好知究竟係咩黎哦)﹐等在都幾耐先至有o野食。可能佢地真係太過細間﹐佢地送餐時﹐個碟上面得幾條好幼o既菜仔做伴碟﹐已經好在喇﹐以前連果小小幾條草都無呀... 男友果個黑椒腸Riso望落感覺好似好味D。OOKK 啦﹐都唔會有咩期望﹐不過想平平地食Risotto﹐都係一個選擇黎o既。