Oak Tree Ristorante (Closed)

終於去到正式返工的時候，趁份工仲未特別忙，就約左大學的好朋友一齊去食下好野，順便慶祝下生日!! 今次就簡左一間標榜正宗意大利的餐館，上到去既時候，仲見到有現場的音樂表演，好有氣氛，其實都幾岩情侶一齊食。 因為我地個個人都唔叫好大食啦，所以就叫左個套餐就算。 首先，有一個雞肉沙律同一個三文魚沙律，調味方面做酸酸甜甜，幾開胃，雞肉有微微燒下，味道不錯。三文魚不算特別多油脂，但食落都算滑。 餐湯要左個牛肝菌忌廉湯，方面味道偏濃帶甜，好香既菇味，而且嘗到少少既黑松露香味。主食方面，我地就叫左德國咸豬手，豬手大大隻隻，夠晒我地成台人食，而且煮到外脆內軟，豬手內呈粉嫩的紅色，食落好落，而且醬汁味道偏甜，食晒都唔覺好瀏。另外，亦都點左一個黑松露野菌意大利飯，野菌份量好多，而且粒粒分明，味道亦非常之香，意飯做到有少少生，硬身的口感，十分正宗。最後，黎左個New York cheese cake 就完成左今日既生日晚宴。 總體黎講，絕對係聽覺同味覺既雙重享受。