Oak Tree Ristorante (Closed) View

去了這間餐廳三次，第二次已發現餐廳waiter and waitress 沒有禮貌，食物水準也下降，豬手硬到切唔開，簿餅稍為有些水準。怎料諗住再去時，帶位入座的外藉人士，行慢少少都黑面，問拿menu 時仲罵你兼掉個menu 係張枱上，幸好沒有打瀉水，但就赫親小朋友及周圍的顧客。這些行為真的不知所謂，唔足夠人手可以請人，但不是發洩在顧客身上。永遠不會再幫襯這間餐廳，除非諗住受氣。

已經好幾年慶祝生日都有來同一間餐廳, 食同一個套餐, 原因好簡單野食好味價錢又平, 食物質數又新鮮, 環境氣氛都好好.二人套餐, 先來8隻美國pacific rock生蠔, 鮮甜新鮮又肥味. 通常8隻生蠔對於我地來講係唔夠既, 次次都要追加多12隻, 原因叫多12隻生蠔會送紅酒或白酒一枝, 超值都不得了, 因為單叫一枝白酒都要$300, 依架加多12隻蠔+1枝白酒都係二百幾蚊, 大家都心中有數啦.食完生蠔就會上兩個沙律比口腔清新一下, 跟住重點來啦, 每次來都超愛飲D個湯 <牛肝菌忌廉湯>, 超級奇怪我本人一向唔會飲忌廉湯既, 但D個湯真係飲完想再飲, 個牛肝菌, 茹味超濃又香又滑, 真的超好味. 比其他餐廳同款湯煮得好出色.其實飲埋D個湯已經飽, 仲有兩個主菜依家先開始食, 炭燒美國肉眼扒+原隻龍蝦, 當中有註場歌手一邊彈結他又邊唱歌製造浪漫氣氛. 最後, 最愛既甜品出場啦, 因為生日啦, 當點菜時同職員講就可以係甜品加上Happy Birthday to XXXX, 真的很貼心, 仲有專人唱生日歌Live 版祝賀. 每年慶祝生日都會來食返餐正既原因啦. 確實係生日之

喺九龍彌敦道仲要近地鐵站，可以有一個寧靜舒適餐廳，已經真係唔易找！OK已經香港地大陸消費客淪陷！連尖沙咀茶餐廳都要六七十蚊先可以落樓的時候！嗰日下晝同事話要見過客響佐敦，呢一間意大利餐廳一定係唔失禮的好提議！地方好寬闊，話哂酒店咖啡廳見，可能個老闆係鬼佬，D侍應全部可以應付用英文Order，哈哈！之前早餐已經試過，可能要應付酒店的早餐客人，做得馬虎唔係咁好食，似乎係用最平的雞肉腸，但下午茶就簡直係超值，德國鹹豬手配意粉，層皮係焗脆咗，都幾大份只係收40幾蚊，而個客叫咗三文魚沙律，唔特別，反而我再點多個潛艇三文治share, 就值得一讚，因為新鮮熱辣即做，個包係有烘脆咗，但因客已經食咗，唔記得影相，而送埋杯咖啡都已經超值，以咁嘅收費仲平過快歺店大X活仲要一提，俾你由兩三點一路坐到下午五六點，個意大利（鬼佬，應該係）老闆好斯文，絕無詐型，我都忍唔住果日兩個人食咗三個餐！

呢度位置靜中帶旺，餐廳地方好大，最重要價錢便宜餐牌入面好多茶餐廳無既下午茶，但係收茶記價錢，份量亦唔細西多士大大件，正常啦咸🐷手意粉唔錯，茄汁均勻落入意粉中，豬手亦唔細，呢個價錢無得彈啦👍🏻👍🏻

婚後第一個飯聚，約左我最愛牧者同小學同學見面❤️小學好友幫我地book左哩間餐廳Oak Tree Ristorante食晚飯😊餐廳環境十分優雅，仲有彈吉他唱歌的服務員。晚餐我地叫左德國豬手、蜆肉意粉、安格斯肉眼扒🍽哩度德國豬手整得好好味😋我本身不嗜豬手..但廚師整得好脆口，食落又唔肥😁蜆肉意粉有少少辣，蜆肉好大隻，肥美😆安格斯肉眼扒好正，有肉汁！小學同學太開心，仲叫埋紅酒飲😊最後叫埋甜品🍮心太軟❤️

這間餐廳這幾天做生蠔之夜，之前在各大免費報紙買曬廣告，所以由兩場加開到四場。我就因為佢所謂的法國生蠔大師分享會吸引了。但老實說，我對今次的活動有點失望。因為其實佢的交流只係容於表面。我和朋友M一早就到場，因為怕錯失了交流的機會。但其實根本不用太急，因為只是在食的時候才出來介紹一下。不過都唔重要，因為我都明白，今日係全店滿坐，所以有點得失都好明白。我們今晚的菜式如下：這三款生蠔，有二款都算幾好。炸生蠔很腥。其他食客都超失望。這個意粉真係一點味道都沒有，其他食客不停問店員有沒有芝士粉，竟然沒有提供。估唔到一間高級西餐廳是沒有芝士粉的。這個主菜很失望，雖然我很喜歡食牛柳，但真係很「老」，又沒有賣相。其實這款甜品真係好差。賣相差、很濕。這款白酒是要留有報紙上的劵才可附送的，如果沒有劵就要$25一杯，這杯酒是我覺得最值得關注的，雖然唔知係咩酒，但真是很好喝。可能因為佢的宣傳，令我對這次太大期望。可能這間餐廳唔係經常滿坐，所以面對太多的客人，會有一點叄次，那些店員很多都不帶笑容，叫佢加水，好似十萬個唔願意，我唔知佢咩身分啦，因為佢地著便服。但我係客，你點唔願意都要幫我加水啦。那些著制服的店員就好似

唔知BB喺邊度搵到蠔情之夜嘅宣傳~我地呢D最鍾意食好野嘅港女當然樂意奉陪。試左3款蠔，2款法國蠔，海水味較重，很鮮味，食原味就可以，加調味反而浪費，1款美國蠔，肥美彈牙。蠔湯都好好味~蠔味幾重~然後到自選前菜，我地點左八爪魚沙律炸蠔，都唔錯。唔會一口油~但蠔味就唔夠前幾道菜咁明顯同埋鵝肝醬多士主菜之前，先上大蜆意粉，咸左D。本來以為份量一般，點知原來好大份~主食我地點左牛柳，冇得選生熟程度……我已經飽飽了甜品方面好應節，奶黃月餅，食落似中式蘇。HK$298/人，都抵食嘅~ 紅/白酒都係25蚊杯，質素都唔錯~唯一要改善嘅係……埋單等左9個字……可以預先打好晒單俾客人就會快好多……期待下次活動~

得閒禁下OpenRice 睇吓有咩優惠券今次就搵到一間有優惠嘅意大利餐平時啲意大利餐好少有優惠所以趁住有優惠即刻去試吓我哋前兩日去定位 六個人係OpenRice 可以用$99買到$200嘅優惠六個人可以買六張即係可以食到$1200嘅嘢食 但就要買$600 coupon 非常之抵間野唔算好多人環境唔算太好 但勝在少人 安安靜靜 1. 頭盤三文魚沙律🥗正正常常 跟set dinner 的2. 芝士辣肉腸 Pizza 幾好食 又足料 夠芝士味3. 德國鹹豬手極度推介 肉質完全軟林 唔會整到硬板板皮又炸得鬆化 咬一口卜卜脆跟餐就可以食到 比足十分4. 肉眼扒 又係推介必食之一雖然唔夠鹹豬手好食比起出面已經係高一班 7成熟完全唔會太over 岩岩好 都係跟餐就可以叫到5. 招牌菜又係必食 雖然差唔多$200但係又係非常特別 芝士味勁濃 完全係同出面冇得比即場製作 性貴比高6. 意大利🇮🇹飯 唔知係咪正宗意大利🇮🇹飯 佢係會整得比較硬身食唔慣既可能會覺得麻麻地最後 心太軟甜品就正常 唔算特別都係咁餐的 所以就一般般啦6個人total 折後 $1000到 （正價：$1600）極級推薦

家人早前曾到此享用下午茶餐後大讚，今晚決定看看晚餐水準係咪一樣咁好。我地當日book位，所以唔使等位。 餐廳座落酒店一樓，要行樓梯上。 入口左邊有個長型露台，如果唔係有人食煙都想出去睇下。 我地被安排坐係近窗既角落，自成一角，唔錯。 餐廳燈光柔和，座椅是籐椅，當晚仲有人live彈結他唱懷舊英文金曲，同女朋友來都咪話唔冧。  多數waitress 都係菲律賓人，大廚/老闆，係外國人(意大利人？)，佢會負責即場做芝士輪Carbonara ，唔知係咪做到好攰，個個面無表情。 食物質素算唔錯，只係有D唔係好夠熱，如湯、牛柳。 豬手好食，皮脆肉唔太乾。 鵝肝都好香，薄薄既parma ham 咸香好食，但每樣appetizer都係配沙律菜，有d悶。 伴碟既薯蓉都好好食，裡面有薯仔粒粒，有咬口。 到跟餐甜品，有三項選擇：朱古力心太軟chocolate volcano、意式芝士餅tiramisu、 紐約芝士餅 new york cheese cake。 我地選左前二，朱古力心太軟配雲呢嗱雪糕，一向都係天作之合。 Tiramisu 又香又軟熟，食落唔heavy。 當晚生日歌聲此起彼落，好多人選擇生日嚟呢

同好耐冇見嘅朋友見面食飯揀咗呢間西餐廳(因為有coupon)環境都算幾好，雖然唔算好華麗fancy,但都算坐得幾舒服。現場仲有人表演結他，食客可以隨便點歌。其實都幾適合朋友傾吓計或者情侶拍拖。我地叫左個menu set，每人488+10%頭盤有5隻生蠔 😍，2個人即係有10隻都尚算OK，最驚食到唔新鮮勁腥勁難食呢度寫到明係新鮮生蠔應該都唔會太差主菜我地揀咗牛扒同埋龍蝦都算幾好嘅，誠意之作。甜品先係呢餐最最最正嘅壓軸個流心朱古力真係正到無朋友好好味好好味好好味（重要嘅事講3次）食完真係好飽好幸福同朋友飽嚐美食傾下閒計講下近況，聽住現場嘅結他表演，度過幸福嘅一晚最後埋單扣返coupon 大約$440 一個人（包埋加一）

這是第二次到橡木意大利餐廳，選這店的原因是環境舒適和，食物美味，可以同一班舊同事一邊暢談一邊享受美食，店內還有菲律賓歌手献唱，在柔和的歌聲下過了一個愉快的晚上！！食物方便，我們點了磨菇湯，生蠔，意大利咸豬手，燒香草羊架，芝士輪卡邦尼汁意粉，三文魚扒，厚燒肉眼扒和點品心太軟！！極推介芝士輪卡邦尼意粉，因看着大廚即席表現炒意粉，然後把熱的意粉放進巨輪之士內再上碟，真是視覺和味覺的享受！！

事隔兩年再來Oak Tree，餐廳依然保持一貫水準。我最期待的是甜品，這裏的心太軟和Tiramisu好吃到要用「無得輸」形容。匙羹一剖下去，滿滿的黑巧古力緩緩流出，連同香草雪糕一起入口，巧古力味道很濃郁卻不會過甜，布丁和雪糕冷熱交錯，好吃到想再舉手encore..（想到卡路里後便默默把手放下）而Tiramisu是比較輕盈的甜品輕盈 Mascarpone 芝士伴隨沾滿咖啡和酒的蛋糕底。對不想吃太膩的朋友們，這道甜品會很適合你。另外還試了一道現煮的卡邦尼意粉（意粉客人面前煮然後車輪一般大的芝士中不斷搞拌）煮法十分特別，不過芝士也許有點多，意粉有點鹹）夜晚去還會有黑人歌手現場自彈，我們的晚餐便於悠揚的歌聲和美味的甜品中畫上美味的句號。晚餐有點少貴，午市來吃set lunch價錢比較相宜。

Italian restaurant with Cassata. 香港唔係咁多地方整呢一個甜品，如果鍾意食三色雪糕或者間唔中嚟個Turkish Delight 嘅你，一定唔可以錯過呢一個甜品！一定會再嚟

同好友慶生，原本主角揀食某韓國餐廳，早一星期訂時無提限時，點知當日 confirm booking 時話限時 75 分鐘，也太趕了吧！ 於是主角提議去 Oak Tree。舊年呢位主角同我慶生都係嚟 Oak Tree, 之後我哋分別都同朋友再幫襯，佢哋有個甜品橙酒薄餅，我朋友去幾次都食唔到，我就試過提早訂都無，點知今日竟然有，同老細傾開計，原來我識佢餐廳都差唔多 20 年，我仲講得出當年鋪頭位置同裝修，老細話抵請我哋食甜品 😍😍🤣 主角即刻話: 《有錢都無得食，有得食又唔一定要錢 😄》

是日開年飯雖然遲左少少....但好過無得開年呀嘛3人行~各叫一味~3重享受~一流水準~~~呢度既豬手好似人見人愛~個個食完都讚不絕口既~唔試都唔得啦~其他2樣就各有所愛啦~~上菜前先上蘑菇湯~正!!超有菇味!!!  仲有粒粒菇茸仲有暖笠笠既餐包~yumyum主菜黎啦個豬手大到..............................嚇死寶寶了外皮超級脆...入面又嫩嫩的~~~爽!!!果然係人見人讚~呢個就醬燒豬背骨~又係啖啖肉!! 超惹味最後仲有個燒3文魚扒~又係好juicy咸咸地~配埋酸酸甜甜既意粉就剛剛好~~想叫餐飲之際又見到塊牌...10蚊隻好抵喎! 但肚腩放不下了...就此作罷~總結:值得一試值得回味店員有禮價錢當然唔算平啦^^開年飯唔慳得既