Hami Harmony (Closed)

剛返新工一個月，係時候搵朋友傾吓計喇，佢就揀左一間靜中帶旺嘅意式風情小餐廳。入到去發覺呢度咁早已全場爆滿，好多人，好熱鬧。門面同內裡都吹歐洲風，裝修同擺設都簡約，感覺悠閒，係一個同朋友聚會嘅好地方。餐牌好多嘢食，太攰唔想諗，所以由朋友發辦叫左小食、意大粉、意大利飯同兩杯飲品。車打芝士蔥餅：估唔到份量咁多，成個八寸pizza咁大。pizza皮中間夾住有醬料嘅蔥，旁邊仲有d沙律可夾住一齊食，食落好香蔥同芝士味，味道好match好好食。牛油汁蜆肉自家製蝦米意大利粉：自家製蝦米帶鹹味，意粉入口有牛油味道，中間夾雜住蜆肉，好好食。日本帶子黑松露什菌意大利飯：帶子有兩大隻，意大利飯比較濕潤，口口有汁又唔太硬，裡面d菇同飯都有黑松露味道，我就最like呢個口感同味道👍凍棒子拿鐵：朋友至愛，佢話飲落好香棒子味，唔太甜，奶味重，淡淡咖啡味，整體幾好。粉紅石榴香檸檬梳打：賣相唔錯，粉粉地，入口石榴同檸檬味道夾雜，甜甜地帶檸檬香味，好飲喎。