🍛 咖哩：超預期！ 原本以為會係嗰啲出面連鎖餐廳常見嘅袋裝咖哩，點知完全唔係！食落每啖都啖啖肉碎，仲帶住炭燒香味，非常濃厚，配呢個咖喱我可以食多兩碗飯，明顯係自家制，第一次喺燒肉店食到有咁有誠意嘅咖哩，意料之外，值得一讚！
🥩 燒肉：濃郁炭燒香味，唔係死鹹果隻，肉質軟腍，表面微焦香，唔會韌，幾有口感。真係估唔到唔同分店水準可以差咁遠，鯉魚門呢間明顯係有用心。
🍚 份量：呢間叫多飯真係明顯有俾多，之前喺其他分店叫多飯都同普通份量差唔多，問店員又hea我話已經畀多咗。
💁🏻♂️ 服務：外賣速度快，店員有禮貌，包裝盒上面仲有貼製造日期，細節位做得幾貼心。
下次會再試，見到佢哋新出咗兩餸飯，有興趣下次試下～希望保持水準！
