土耳其小城 (德範大廈) (Closed)

我地一行三人坐低就慢慢睇下餐牌，意外地發現，其實有啲菜式健康得黎，又同西餐中餐唔同，因為其中一個人進行緊生酮飲食法黎減肥，所以為咗佢叫咗個沙律同烤雞咁就夠晒蛋白質同纖維啦！山雞沙律🥗，有成半碟雞肉山，啱晒懶人起晒肉，配大量生菜蕃茄洋蔥，個醬汁都好輕盈，只係酸忌廉沙律醬同薄荷醬，卡路里都唔係好高，可以接受啦！😉👍🏻而個木桶烤雞，見佢煮法簡單，灑上香草，直接烤晒啲肥油出嚟，keep 到皮脆肉滑，仲好香雞味，味道又唔dry！🍗🍗🐥我地兩個就外加個邪惡芝士烤餅夾住烤雞同山雞沙律，變咗高級版雞肉卷啊，係咪好醒呢！埋單每人都唔使一百蚊，抵食得黎又健康，附近街坊有福了！😀😊🙌🏻