松記糖水店

Open Now

Now Closed

第一次嚟係同事介紹，當時係1999，間舖仲未裝修，亦都冇咁多人幫襯。後來口碑好，愈嚟愈多客，做都做唔切。但係咁多年嚟價錢都好似冇乜加過，依然咁抵食。以前嚟親都食芒果黑珍珠，近年同大部份人一樣，嚟親都係幻彩明珠，因為鍾意咗食大西米。有人話覺得冇咬口，但係大西米係咁，要煙靭的話我諗就叫第啲嘢喇。生果入貨入得唔錯，所以好少食到唔靚。另外亦間唔中會食綠茶奶黃湯圓。層綠茶皮有少少澀，但係由於自己鍾意食奶黃，所以覺得個組合唔錯。一年到晚都咁多人，如果元宵、情人節啲日子連外賣都要等幾個字。怕逼又要十零廿蚊有酒店或服侍嘅，勸你唔好嚟。