松記糖水店

Open Now

Now Closed

7月30日晚上約九時光顧光顧，看到廚房內一個負責出品糖水的男同事，不斷除低口罩、抹被涕打乞嗤，手也沒有帶手套。打乞嗤後沒有帶手套沒有洗手就直接𢳂糖水，完全沒有衛生可言。

松記糖水店係老字號糖水店,今次食呢間係總店,係平靚正之選😍Summer $33份量好足料😍包括有兩球雪糕,揀咗綠茶同芒果味,味道幾濃.仲有生果同透明珍珠.生果包括有奇異果.芒果.西瓜.蜜瓜同哈密瓜,生果.透明珍珠同忌廉奶撈埋一齊食,整體口感豐富😋面頭插住兩支朱古力威化條,好脆口😍幻彩明珠 $30份量都係好足料😍生果都係有奇異果.芒果.西瓜.蜜瓜同哈密瓜,黑珍珠.透明珍珠同忌廉奶撈埋一齊食,透明珍珠煙煙韌韌,整體口感都係豐富😋

呢間松記糖水真係又細食到大🥰🥰 覺得佢嘅性價比超高，🤭🤭所以都有長期支持佢， 今次同老婆兩個人去食， 叫咗一個心太軟， 一個芒果小丸子😋😋心太軟， 焗得好正有流心， 入面嘅雪糕好正， 一冷一熱真係好鍾意😚😚老婆就食咗芒果小丸子， 呢個係我太太每次嚟都必點， 芒果新鮮鮮甜， 小丸子煙煙靭靭， 咁樣配搭真係好美味😊😊價錢又唔貴，覺得佢哋每次食都好多人， 現場十分熱鬧， 但係佢哋嘅服務都好優質， 所以每次去呢間食甜品都覺得好開心😄😄

老公外賣豆腐花 無比黃糖 打番去問阿姐仲要串串貢話你無問唔會比 問番佢 咁你又唔問我要唔要 阿姐仲要話 因為唔係我落單 大佬 真係第一次食豆腐無黃糖咁好服務態度 留番其他人食永久blacklist no next time

松記糖水一直都是街坊糖水鋪，感覺都不怎麼加價，食親佢，都不在乎賣相靚唔靚，或者係咪超級好食，志在開到凌晨，地點又方便，加上是童年回憶。雪糕三重心太軟 - 配曲奇雪糕（$48）如出一轍的賣相麻麻，雪糕只有四款，個人最喜歡的是曲奇味，心太軟朱古力味濃，流心都流到出嚟，唔會太膩。芒果益力多綿綿冰（$50）配大西米，配3色Q果，配 焦糖醬賣相都係一般，芒果味都是來自芒果醬，加了益力多之後冇咁假，不過不失啦。純粹好熱嗰陣，先會嗌嚟食吓。算係嗌咗相較貴啲嘅甜品，其他糖水都係三十零蚊。

去咗松記糖水鋪，環境幾輕鬆，客人唔算多，唔使等位！我點咗兩個甜品，一個係幻彩明珠，另一個係琉璃之戀。幻彩明珠裡面有涼粉、生果、西米同蘭香子，食落去清清爽爽，特別適合熱天！涼粉滑滑地，生果又新鮮，西米啖啖有口感，加上芒果汁真係好好味！琉璃之戀雖然有好多琉璃，但啲芒果汁同花奶唔夠，食到後尾有啲無味，感覺有啲乾。琉璃的口感雖然好，但如果再多啲芒果汁就真好啦！另外，價錢比以前貴咗，但幸好份量大致上保持住。

叫了一個芋圓西米露，從來未食過咁難食嘅，西米露淡如水，芋圓又粉又無味。諗住同個滿佈大陸口音紮馬尾嘅員工反映（本人係善意，態度良好）點知佢答我：我做樓面嘅，我唔知咁多，我叫個廚房出嚟同你講….（仲要態度勁差）我真係第一次聽到咁嘅回應，佢仲要你講一句，佢駁一句，講到你收聲為止！成間舖冇人制止佢呢個行為，乜咁樣對待客人？呢間嘢已black list ! 糖水又難食，員工態度又差，諗唔到再幫襯嘅理由！絕冇下次！

同朋友經過見到話想食糖水，我就叫左個綠豆沙加個芋圓，一嚟到睇到個樣已經心知不妙，點知D芋圓食落成口麵粉味，我覺得自已食緊麵團囉🙄仲要好鬼硬，未食過咁難食嘅芋圓🤮唔會有下次👎🏻

食咗個椰皇飄香完全冇味，椰皇飄香完全冇椰皇味，啲芋圓仲要有啲怪味。灰到極點，仲要收我$55🫠明明記得細個嘅時候係好多人排隊好好食，依家完全零質素。超級失望大家唔好中伏。 另外朋友叫咗個芝麻糊豆腐花，碗嘢稀到好似溝水咁，啲豆腐花又散又稀，芝麻糊完全冇芝麻味，總之就好似飲水咁。唯一有味嘅係嗰兩粒芝麻湯圓。呢碗咁嘅嘢收我$35喊出嚟。警世，我平時都好少寫食評今次真係忍唔住，必須要出聲🫠諗住開開心心食個糖水，點知食了個空虛。

松記糖水店， 是一間老牌甜品店， 今次到深水埗分店，位於長沙灣元州街162-188號天悅廣場地下CB58號舖。 甜品種類多，點了鮮雜果鴛鴦涼粉$39、 紫薯芋圓仙草凍$32。   🔸鮮雜果鴛鴦涼粉 ～ 有芒果、蜜瓜和西瓜， 鴛鴦涼粉口感爽滑， 夏天之選。 🔸紫薯芋圓仙草凍 ～ 紫薯蓉軟滑微甜，芋圓煙煙韌韌， 仙草凍口感滑嫩， 清爽健康。 兩款甜品味道不錯， 值得推介。 🏷️溫馨提示～ 整個用餐體驗均屬個人分享意見， 只作參考😊。

如題，店鋪只有幾個客。我同朋友坐近門口的4人枱。2個都坐平排面向門口。突然店員過來搬枱話要我坐埋一邊另一張枱要搬開？當時我話可以有客先搬，仲有咁多位！店員阿姐堅持要即時搬。沒辦法只好坐過另一邊。我見對面6人枱都係2個人坐又唔見店員去搬開張枱。一般的塘水店，已沒有之前好吃，但算抵食。可能是位於長沙灣，其他分店價錢會貴多啲。叫芒果時會話今次會酸。以上情況不是第一次發生。只是想吃碗塘水要幾多時間唔會坐好耐，可否盡量沒有客時唔洗行多步去搬枱。有客大家都會識做！

去完毛所樹樹, 朋友帶我過來食糖水, 松記真係有班客人, 8点幾已經坐滿晒👍 我唔想食生果凍糖水, 想食芋圓, 叫左熱的芋圓椰汁渣咋😋 等一陣送上👍 暖暖地唔算十分熱, 料都好足😘 份量一般又唔會太細, 唔太甜好啱我, 依款幾好味, 芋圓亦唔會好甜好硬🥳 有機會再來可以試其他😍

啱啱喺松記試咗啲嘢食，真係要同大家講，正到不得了！👍🍮🥄 話說個豆腐花，滑得好似水世界嘅海豚咁，每一啖都滿滿豆香，就好似糖水鋪頭嘅招牌咁。再嚟就係煎堆仔，邊邊脆得似蝴蝶翼，甜度啱啱好，一啲都唔膩。飲品方面，我最鍾意佢哋嘅凍檸茶，檸檬片嘅清新味道真係令人提神，同呢啲甜品配得就好啱。雖然鋪頭唔算大，但位置都幾好，周圍嘅氛圍又溫暖又地道，一入到去就覺得舒服。佢哋嘅蜜瓜西米露都好好飲，每一啖都飲到蜜瓜嘅清甜，加埋滑滑嘅西米，真係解渴又消暑。唔論係街坊定係路過嘅食客，呢啲小吃都啱晒大家。松記嘅嘢食雖然簡單，但味道同感覺絕對正！💯👅💖

係附近食完晚餐食埋個甜品岩岩好，呢度好多榴連甜品，可以滿足榴連引，我哋各人嗌左一個。榴槤奶凍 $35榴槤雪山 $34榴槤紫米露 $34 雪糕芒果班戟 配芒果雪糕 $37 全部都係好好味，同埋出嘢出得好快，效率高

中都會陪家人去食甜品，這麼多年我還是覺得這一間是其中一間值得再去的。若果可以的話，我都會選擇去深水埗總店！ 星期六晚上已經11時許，人流極旺，但門口仍有不少人在排隊。自己喜歡食芝麻糊，這兒的芝麻糊磨得比較細，芝麻和糖的比例適中，不會太甜。所以若想陪家人食甜品，有時都會刻意過來。今晚亦點了雪糕心太軟， 雪糕可以自由選擇味道，心太軟內的朱古力就比較甜，我自己不喜歡太甜，不過這是個人口品。由於人流多，所以要等15分鐘才送上枱。