十二味 (Jaffe Road)

Open Now

Now Closed

呢間十二味，我從佢仍然係小當家麻辣香鍋既時候就開始光顧了。講真，雖然一直覺得佢既味道中規中矩，有時甚至麻麻地（因為有時候儘管佢既菜品香味係足既，但係味道唔夠正，唔夠入味），但係每次想食性價比高、交通方便、用餐環境佳既川菜既時候，佢仍然係優先選擇既餐廳。灣仔呢間，我最常食既就係香鍋，每次叫既都係經典香辣鍋，佢配菜既選擇都好多，我最推薦既係滷水肥腸、薯仔、嫩牛肉、午餐肉。食過咁多次，點解突然走來寫食評呢，因為今次去食實在太驚喜了，係炒得最好既一次，唔知係因為8點呢個時間廚師得閒，定係換左廚師。肥腸炒到外皮有酥脆感，又入口即溶，完全唔覺得油膩之餘，非常之香口。嫩牛肉火候掌握得好到位，嫩滑既同時入晒味。薯仔既粉感都啱啱好，吸左醬汁既味啱啱好。