Video
Read full review
2021-05-16
234 views
呢日咁岩約埋朋友去觀塘啲開倉到買嘢，平時以為觀塘啲工廠區大多數都係一啲樓上餐廳多，估唔到新開左一間以寵物為主題嘅火鍋餐廳。價錢唔太貴二百零蚊一位。一坐低就有前菜同三色刺身，三文魚、希靈魚、甜蝦，味道都唔錯，幾新鮮。雞煲有驚喜，味道好濃郁，醬汁好香口惹味，而且雞件好嫩滑，索晒啲汁，有得無限任添，忍唔住嗌左兩轉。之後就轉做火鍋，配料都幾多。有牛小排同西班牙黑豚肉，食得出係手切，因為比平時嘅肉片厚，但係味道都好香。海鮮拼盤有驚喜，有蟶子、斑片、大蜆等，每款都好新鮮， 入口鮮甜，蟶子大大隻，好有咬口。飲品亦可以自己拎，選擇都幾多。三色餃同三色丸賣相都吸引，尤其係黑白色嘅手打墨魚丸同埋牛肉丸，彈牙爽口， 值得encore。餐真係食得好飽，整體來講食物質素好高，估唔到工廠區都有呢啲精緻嘅雞煲火鍋，有機會再嚟！
一坐低就有前菜同三色刺身，三文魚、希靈魚、甜蝦，味道都唔錯，幾新鮮。
雞煲有驚喜，味道好濃郁，醬汁好香口惹味，而且雞件好嫩滑，索晒啲汁，有得無限任添，忍唔住嗌左兩轉。
之後就轉做火鍋，配料都幾多。有牛小排同西班牙黑豚肉，食得出係手切，因為比平時嘅肉片厚，但係味道都好香。
海鮮拼盤有驚喜，有蟶子、斑片、大蜆等，每款都好新鮮， 入口鮮甜，蟶子大大隻，好有咬口。
飲品亦可以自己拎，選擇都幾多。
三色餃同三色丸賣相都吸引，尤其係黑白色嘅手打墨魚丸同埋牛肉丸，彈牙爽口， 值得encore。
餐真係食得好飽，整體來講食物質素好高，估唔到工廠區都有呢啲精緻嘅雞煲火鍋，有機會再嚟！
Post
