芊彩餐廳

Open Now

Now Closed

今次去咗探索家酒店入面間芊彩餐廳食晚餐。我個人點咗晚餐主菜帶子意大利粉。個晚餐包個西餐湯、海鮮拼盤、意大利粉及餐飲。另外我加碟甜品芊彩特色甜品拼盤。個甜品拼盤，兩個人分都好夠食。如果點兩個主菜，三個人分都夠食。晚餐$438加一，甜品$168加一。先上個🥣蘑菇湯，好重蘑菇鮮甜味。個餐包係酒店自家烘焙，入口鬆軟。好美味。之後上個海鮮拼盤。有青口、煙三文魚及炸蝦。青口用芝士去焗。好重芝士味。入口鮮甜。個🐟煙三文魚用麵包棒去捲成。混入海鮮醬，好美味。個炸蝦香脆可口。食得出剛剛炸起。時間控制得好出色。🍝帶子意大利粉放入芝士粉。個廚師將芝士粉刨到雪花狀態。灑在意粉上面，有降雪賣相。意粉入口彈牙。帶子，鮮蝦加埋德國紅腸。全部屬上等食材。美味可口。芊彩特色甜品拼盤有自家制拿破崙蛋糕、凍奶及米奇雪糕。還有草莓、黑莓及紅莓伴碟。賣相滿分。拿破崙蛋糕好重朱古力味。混入水果好美味。三款水果都係最新鮮。食到有新鮮甜味。凍奶入口香夾滑，爽口。美味。個米奇雪糕係芒果味。外皮係朱古力。好食。