Layback Cafe & Bar (Closed)

同男朋友行開尖沙咀就揀左間cafe食少少野。呢間cafe裝潢得幾靚，感覺好舒服好悠閒，仲可以坐露台。佢個餐牌好靚好vintage，好有特色。不過選擇就唔係太多，對我嚟講係好事，因為我有選擇困難。我地嗌左B餐——黑松露忌廉什菌意粉。聞落好香黑松露味，食落無聞落個味咁香。同出面食嘅唔同，佢無一種好膩嘅感覺，唔會食兩啖就開始滯。另外都有好多什菌，仲要都切得幾大舊，好好味。本身諗住嗌個burger，不過無哂。就嗌多左兩個小食，第一個係炸雞翼。呢雞翼炸得好香好炸好味，好嫩滑，都唔會太肥。另一個就係焗薯皮。呢個就普通，佢個薯仔好香係好食嘅，不過因為無落汁去焗，食嘅時候就好dry。如果加左沙律醬或者茄汁落去焗，一定好好味。沙冰就普通，唔係好夠濃味。不過好大杯好靚。食完嘢就攞左本旅遊書嚟睇下，傾左一陣計就走。有幾本旅遊書岩哂打算去旅行嘅我。