Le Jardin à Soho (士丹頓街)

Open Now

Now Closed

趁着假期同friend去中環SOHO區慢嘆dinner 💗揀咗呢間Le Jardin à Soho，上次嚟過食brunch，好鍾意佢哋嘅pancake同埋西式料理，而且環境佈置好舒服。樓高兩層☺️我哋食dinner就揀咗上面用餐區，裝潢都好雅緻。🔶 炸甘鯛魚配橙甜茴香沙律 $238呢個有驚喜喎🫶🏻原來唔係普通嘅炸魚。呢個魚皮炸得非常酥香輕脆，配埋肉質滑嫩嘅魚肉，一吃之下會同時有2種口感，加埋鮮甜清新嘅茴香沙律，好有風味！🔶All day breakfast $148朋友想食，見到dinnertime都有供應，good Ar! 有茄汁焗豆丶炒蛋丶煙肉丶香腸丶薯餅丶香炒蘑菇丶多士，都好豐富，我最鍾意炒滑蛋，入口十分creamy 。🔶 Pancake 🥞 $138上次食過返尋味☺️今次點都要再點。即叫即做，要預大約20分鐘製作時間。有幾款口味，點左「冧酒提子配拖肥蘋果」，Pancake充滿蛋香，外邊微脆內裡軟熟，最鍾意有香甜蘋果和冧酒提子乾，成個配搭好正！仲有一大球雲呢拿雪糕。🔶Cocktails🍸Ex-groni $95以特濃咖啡丶Campari丶西柚丶韓式燒酒等等來調配，帶有咖啡甘苦醇香。