Video
Read full review
2020-07-05
1894 views
2020年6月29日 星期一好難得同女朋友一齊放半晝，雖然中午都要開會，不過可以視象會議進行，於是就衝到去尖沙咀同女朋友邊食飯邊開會The One呢個商場本身就有好多餐廳，款式都好多元化，但既然要邊開會食飯，何不找個舒適又可以坐得耐嘅地方呢？於是最後決定同女朋友去左譽宴飲茶，咁啱上到去嘅時候開始做下午茶優惠無論大中小點都有優惠，而且仲仍然有午市推介添，最後我哋叫左幾款點心，怕叫太多食唔晒首先有每枱都一定會有既前菜浸黑白木耳，一直以來都凈係食開黑木耳，冇諗過會有白色既木耳。兩款食落去都好爽口，而且幾開胃之後有黑松露蝦餃王，賣相好精緻，一咬落去黑松露味即刻散發晒出嚟，同蝦餃都幾配合呢一款係跳跳魚百花煎釀茄子，其實係茄子上面有魚肉，再加上木魚係上面，所以造成個效果好似係跳跳魚咁，感覺幾特別。好彩醬汁又唔會過多，如果唔係食落去會好鹹跟住有金牌流沙包，咬落個包到，真係會見到有流沙餡慢慢流出黎，新鮮滾熱辣，充滿奶黃香味最後仲有姫松茸野菌翠粉果，野菌嘅味道散發晒出嚟，而且外皮唔算太厚最後我哋兩個人喺裏面坐咗大約三個鐘，一邊嘆茶一邊開會，如果以後都唔使喺公司開會就好啦
好難得同女朋友一齊放半晝，雖然中午都要開會，不過可以視象會議進行，於是就衝到去尖沙咀同女朋友邊食飯邊開會
The One呢個商場本身就有好多餐廳，款式都好多元化，但既然要邊開會食飯，何不找個舒適又可以坐得耐嘅地方呢？
於是最後決定同女朋友去左譽宴飲茶，咁啱上到去嘅時候開始做下午茶優惠
無論大中小點都有優惠，而且仲仍然有午市推介添，最後我哋叫左幾款點心，怕叫太多食唔晒
首先有每枱都一定會有既前菜浸黑白木耳，一直以來都凈係食開黑木耳，冇諗過會有白色既木耳。兩款食落去都好爽口，而且幾開胃
之後有黑松露蝦餃王，賣相好精緻，一咬落去黑松露味即刻散發晒出嚟，同蝦餃都幾配合
呢一款係跳跳魚百花煎釀茄子，其實係茄子上面有魚肉，再加上木魚係上面，所以造成個效果好似係跳跳魚咁，感覺幾特別。好彩醬汁又唔會過多，如果唔係食落去會好鹹
跟住有金牌流沙包，咬落個包到，真係會見到有流沙餡慢慢流出黎，新鮮滾熱辣，充滿奶黃香味
最後仲有姫松茸野菌翠粉果，野菌嘅味道散發晒出嚟，而且外皮唔算太厚
最後我哋兩個人喺裏面坐咗大約三個鐘，一邊嘆茶一邊開會，如果以後都唔使喺公司開會就好啦
Post
