享慢煮意 (The ONE)

Open Now

Now Closed

喺尖沙咀The One新開嘅呢間法國餐廳，之前其實喺西環食過，等到佢終於開分店，嚟到呢度依然保持到水準。正值新開張期間呢度有個特別嘅新優惠套餐，四款菜式都只係$298未計+1。當然要試吓呢度嘅主打—牛角包🥐。龍蝦湯牛角酥咬入去好鬆化，令人愛不釋手，熱辣辣嘅龍蝦湯湧出嚟，非常之特別嘅做法同食法，入口龍蝦湯好濃郁，裏面充滿龍蝦嘅精華！慢煮雞胸凱撒沙律🥗，成個沙律好乾爽雞肉，加上少少芝士粉同埋乾火腿增加咗質感，加埋粒粒鹹鹹多士，食得有營又健康。成餐飯同朋友都食得好開心，下次會再嚟。