Video
Read full review
2023-09-22
156 views
餐廳：牛站(駅)麻辣火鍋放題 (旺角)地址：旺角彌敦道593-601號創興廣場2樓香港嘅火鍋放題文化真喺歷久不衰，一個唔貴嘅價錢俾你任飲任食，仲有酒飲🍻，食到靚和牛同時有鮑魚又有乳鴿，Häagen-Dazs雪糕更加任你拎，晚市$300鬆啲就有？講緊嘅喺旺角創興廣場2樓佔過萬呎嘅牛站(駅)麻辣火鍋放題平日晚市過嚟都大排長龍，接近400個座位座無虛席🙈。晚市有3個120分鐘放題套餐可以揀，閒日最平$248最貴$328，7:30pm前離座或者9:00pm後入座價錢再平啲🤏，以食物種類同質素嚟講的確物超所值，想知點解？即刻話你知😎先喺🔟款免費特色湯底裡面揀款啱自己嘅，加$48就可以嗌鴛鴦鍋，我叫咗個店員推介嘅牛駅秘製麻辣鍋同清甜椰子雞鍋，前者叫咗BB辣，未食已經聞到辣香🌶，試咗一啖湯先麻後辣，兩者比例啱啱好，鍾意麻辣嘅人唔好錯過😜有美國精選牛、SRF美國極黑和牛片、特上牛小排3個套餐，我揀咗中價位$288嘅SRF美國極黑和牛片套餐🐃，連埋當中包含嘅美國安格斯牛板腱、手切封門柳、美國牛肩胛片、巴西牛脷托、澳洲羊肉片等肉類全部都喺任食，肉片色澤紅潤鮮嫩，唔會結晒冰或者浸住血水，唔同嘅牛肉仲會有埋名
地址：旺角彌敦道593-601號創興廣場2樓
香港嘅火鍋放題文化真喺歷久不衰，一個唔貴嘅價錢俾你任飲任食，仲有酒飲🍻，食到靚和牛同時有鮑魚又有乳鴿，Häagen-Dazs雪糕更加任你拎，晚市$300鬆啲就有？講緊嘅喺旺角創興廣場2樓佔過萬呎嘅牛站(駅)麻辣火鍋放題
平日晚市過嚟都大排長龍，接近400個座位座無虛席🙈。晚市有3個120分鐘放題套餐可以揀，閒日最平$248最貴$328，7:30pm前離座或者9:00pm後入座價錢再平啲🤏，以食物種類同質素嚟講的確物超所值，想知點解？即刻話你知😎
先喺🔟款免費特色湯底裡面揀款啱自己嘅，加$48就可以嗌鴛鴦鍋，我叫咗個店員推介嘅牛駅秘製麻辣鍋同清甜椰子雞鍋，前者叫咗BB辣，未食已經聞到辣香🌶，試咗一啖湯先麻後辣，兩者比例啱啱好，鍾意麻辣嘅人唔好錯過😜
有美國精選牛、SRF美國極黑和牛片、特上牛小排3個套餐，我揀咗中價位$288嘅SRF美國極黑和牛片套餐🐃，連埋當中包含嘅美國安格斯牛板腱、手切封門柳、美國牛肩胛片、巴西牛脷托、澳洲羊肉片等肉類全部都喺任食，肉片色澤紅潤鮮嫩，唔會結晒冰或者浸住血水，唔同嘅牛肉仲會有埋名牌比你知自己食緊咩😌，
我就最鍾意大大件嘅SRF美國極黑和牛片，一啖放入口柔軟綿綿，牛肉香味濃，一啲都唔肥膩，食多幾件都唔會好重罪惡感😈
另一個套餐嘅重點喺任食鮑魚同乳鴿，鮑魚有兩個五蚊銀咁大，肉質爽彈😽；乳鴿雖然細細隻，但肉量一啲都唔少，仲要香而夠Juicy，絕不馬虎👍，食多幾隻都回本；
另外仲有象拔蚌片、紐西蘭青口、帆立貝、鮮甜海蝦🦐、沙白等海鮮任食；秘製滷牛筋、
藤椒魚皮、即叫即炸又多汁嘅芝麻雞翼都喺必試推介😍
話明超過130款食物同飲品，又點止得上面咁少，行出去自助區，
劃分咗丸類同蔬菜區、熟食區、前菜同水果區、甜品區同飲品區。
當中尤其有唔少特式台灣美食，麻辣小龍蝦🦞、台式肉燥飯、羽衣甘藍🥬、水蓮菜等等，認真花多眼亂特別一讚佢哋嘅飲品種類喺超過我以前所見過嘅，無四十款都有三十款，汽水同罐裝飲品唔多講，
就連Asahi、Heineken、Carlsberg呢啲啤酒都喺任飲🍻，
唔啱啤酒仲有梅酒、清酒、白酒、提子燒酌🍶，自家製嘅桂花烏龍、白桃烏龍、洛神花、人蔘烏龍更加啱晒愛健康嘅人士，連波霸珍珠奶茶都有呢吓先有驚喜(雖然個人覺得甜咗少少)🧋
大部分甜品都喺正常發揮，咖啡朱古力慕絲杯、3.6牛乳布甸、藍莓芝士杯、芋圓……仲可以落手自己整埋軟雪糕🍦，另外有十幾款雪糕雪條，
最重要唔可以錯過緊喺Häagen-Dazs雪糕啦🤩，超級滿足2個鐘真喺試唔晒每一款食物，下次午市過嚟4個鐘任食應該會試到更多唔同嘅美食😆
Post
