極尚大瀛喜日本料理

Open Now

Now Closed

門口睇落去唔大，一入去分幾個區，都坐得幾舒服唔會要左避右避。比起傳統放題，多左自助任食前菜、甜品吧，野飲雪糕都係隨便拎，雪糕有枝裝，有唧既乳酪。野飲同甜品種類款式都勁多，竟然有百福豆腐花同杯裝yogurt。刺身同壽司都係大路野，都好新鮮，三文魚帶子厚切，啲蝦勁大隻，不過三文魚同蝦就冇咩味。最鐘意佢啲壽司，款款都細細件，可以留返個胃試曬咁多款，火炙三文魚最正，好香配埋啲蔥絲。熟食款式仲多焗芝士蠔，牛油帶子，一口牛粒，花膠，饅魚，清油煮蜆，蟹粥等等，仲有燒翠肉瓜同菠蘿，燒菠蘿勁多汁勁甜，必食！野食上得都幾快，冇咩溜單，寫幾多黎幾多。最後last order都有staff不停提我地落埋野食，同問有啲咩點左未黎。