Video
Read full review
2023-10-27
534 views
將軍澳海旁一直有好多餐廳，質素一向都唔錯。價錢雖然唔算平，不過好多都有咁上下質素。行過見到一間新嘅西餐廳，主打精緻嘅法國菜，職員仲話廚師係前酒店大廚，質素非常之咁有水準。如果想試吓入門版嘅法國菜，呢個都係唔錯嘅選擇。四百零蚊可以試吓八道菜，全部都係廚師發辦，呢個價錢算係非常抵食。不過今次就冇試到，反而想試吓佢嘅main，所以嗌咗兩款，超級有驚喜。頭盤✨法式帶子刺身 牛油果 柚子醋帶子好鮮甜新鮮，廚師用甜甜酸酸嘅柚子醋吊味，食落更加清新，另外仲加咗少少牛油果蓉，令到口感更加豐富。✨烤豬胛心肉 馬鈴薯 黃酒蛋黃醬超級有驚喜！落單嘅時候，店員都話係半熟，係傳統嘅煮法。粉嫩嘅豬，超級嫩口，油脂感重。另外配菜超值得一讚！薯仔切成薄片叠起，再拎去煎香，非常香口好味！✨牛腹扒 一如既往最鍾意都係旁邊嘅蒜蓉，焗到變成泥嘅蓉好香口，薯條係非常幼身嗰種，香口有口感。牛扒五成熟，處理得非常好，肉質keep得好好，亦非常有牛味。另外仲飲咗一杯Rosa，環境非常啱chill。有戶外嘅環境，鍾意吹海風嘅朋友仔可以坐出去。呢個價錢，可以食到呢個質素嘅菜式，算係幾唔錯。如果想同屋企人或者另一半慶祝一下，有儀式感一啲，
行過見到一間新嘅西餐廳，主打精緻嘅法國菜，職員仲話廚師係前酒店大廚，質素非常之咁有水準。如果想試吓入門版嘅法國菜，呢個都係唔錯嘅選擇。
四百零蚊可以試吓八道菜，全部都係廚師發辦，呢個價錢算係非常抵食。
不過今次就冇試到，反而想試吓佢嘅main，所以嗌咗兩款，超級有驚喜。
頭盤
✨法式帶子刺身 牛油果 柚子醋
帶子好鮮甜新鮮，廚師用甜甜酸酸嘅柚子醋吊味，食落更加清新，另外仲加咗少少牛油果蓉，令到口感更加豐富。
✨烤豬胛心肉 馬鈴薯 黃酒蛋黃醬
超級有驚喜！落單嘅時候，店員都話係半熟，係傳統嘅煮法。粉嫩嘅豬，超級嫩口，油脂感重。另外配菜超值得一讚！薯仔切成薄片叠起，再拎去煎香，非常香口好味！
✨牛腹扒
一如既往最鍾意都係旁邊嘅蒜蓉，焗到變成泥嘅蓉好香口，薯條係非常幼身嗰種，香口有口感。牛扒五成熟，處理得非常好，肉質keep得好好，亦非常有牛味。
另外仲飲咗一杯Rosa，環境非常啱chill。有戶外嘅環境，鍾意吹海風嘅朋友仔可以坐出去。
呢個價錢，可以食到呢個質素嘅菜式，算係幾唔錯。如果想同屋企人或者另一半慶祝一下，有儀式感一啲，而又唔想去得太遠，呢間餐廳唔會令你失望。
Post
